’டிக்கிலோனா' படத்தை தொடர்ந்து சந்தானம் நடிப்பில் உருவாகியுள்ள திரைப்படம் ’பிஸ்கோத்'. ஆர்.கண்ணன் இயக்கியுள்ள இப்படம் முழுக்க முழுக்க நகைச்சுவையை மையாக வைத்து உருவாக்கப்பட்டுள்ளது. இதில் சந்தானம் ராஜாவாக அரைமணி நேரம் தோன்றுவார் என கூறப்படுகிறது. இதில் நாயகியாக 'A1' படத்தில் நடித்த அலிஷா பெர்ரி நடித்துள்ளார்.
இந்நிலையில், இத்திரைப்படம் தீபாவளி பண்டிகையை முன்னிட்டு திரைக்கு வரும் என்று படக்குழு தெரிவித்துள்ளது. மேலும், படத்தில் பிஸ்கட் ஃபேக்டரி முக்கிய பாத்திரத்தை போல் இருக்கும் என்பதால் தான் படத்திற்கு ’பிஸ்கோத்' என பெயர் வைத்ததாக படக்குழு தெரிவித்துள்ளது.
இப்படத்தில் சந்தானத்துடன் இணைந்து மொட்டை ராஜேந்திரன், சிவசங்கர், லொள்ளு சபா மனோகர் உள்ளிட்டோர் நடித்துள்ளனர் என்பது குறிப்பிடத்தக்கது.
இதையும் படிங்க: தீபாவளிக்கு வெளியாகும் ‘இரண்டாம் குத்து’...அதிகாரப்பூர்வ அறிவிப்பு
