இரண்டாவது இன்னிங்சை தொடங்கிய சந்தீப் கிஷான்!

நடிகர் சந்தீப் கிஷான் தெலுங்கில் ஹாக்கி விளையாட்டை மையமாக வைத்து உருவாகும் படத்தில் நடிப்பதன் மூலம் தனது இரண்டாவது இன்னிங்சை தொடங்கியுள்ளார்.

a1 express first look

Published : Oct 7, 2019, 7:35 AM IST

யாருடா மகேஷ், மாநகரம், மாயவன் ஆகிய படங்களில் நாயகனாக நடித்ததன் மூலம் தமிழ் சினிமாவில் பிரபலமானவர் சந்தீப் கிஷான். தற்போது தெலுங்கு சினிமாவில் முன்னணி கதாநாயகனாகவும் வலம்வருகிறார். நல்ல கதைகளைத் தேர்ந்தெடுத்து நடிக்கும் சந்தீப் கிஷான், கார்த்திக் ராஜு இயக்கத்தில் ’கண்ணாடி’ என்ற படத்தில் நடித்தார். இப்படத்தின் தமிழ் டீசர் ரசிகர்களின் மத்தியில் நல்ல வரவேற்பைப் பெற்றது. ஆனால், படம் தமிழில் வெளியாகாமல் தெலுங்கில் மட்டுமே வெளியானது.

நல்ல விமர்சனங்களை பெற்ற இப்படம், புதிய முயற்சி என்று பலரது பாராட்டையும் பெற்றது. இந்நிலையில், அறிமுக இயக்குநர் டென்னிஸ் ஜீவன் கனுகோலாணி இயக்கும் 'ஏ1 எக்ஸ்பிரஸ்' படத்தில் நடிக்க சந்தீப் ஒப்பந்தமாகியுள்ளார். ஹாக்கி விளையாட்டை மையமாக வைத்து உருவாகும் இப்படத்தில் சந்திப் கிஷான் கதாநாயகனாக நடிக்கிறார்.

'ஏ1 எக்ஸ்பிரஸ்' படத்தின் ஃபர்ஸ்ட் லுக் போஸ்டர் தற்போது இணையத்தில் வைரலாகி வருகிறது. தெலுங்கு சினிமாவில் ஹாக்கி விளையாட்டை மையமாக வைத்து உருவாகும் முதல் திரைப்படம் என்பதால் ரசிகர்கள் மத்தியில் பலத்த எதிர்பார்ப்பை ஏற்படுத்தியுள்ளது. படப்பிடிப்பு நவம்பர் முதல் வாரத்தில் நடைபெறும் என படக்குழுவினர் தெரிவித்துள்ளனர்.