அறிமுக இயக்குநர் நாயகம் இயக்கியுள்ள திரைப்படம் மஞ்ச குருவி. வி.ஆர்.கம்பைன்ஸ் சார்பில் விமலா ராஜநாயகம் தயாரித்துள்ள இப்படத்தில் அறிமுக நடிகர்கள் நடித்துள்ளனர். இன்றைய சமுதாயத்தில் நடக்கும் முக்கியப் பிரச்னைகளை மையமாக வைத்து மஞ்ச குருவி திரைப்படம் உருவாகி வருகிறது.
இந்நிலையில், பிரபல கானா பாடகர் கானா பாலா இப்படத்தில் ஒரு பாடல் ஒன்றை பாடியுள்ளார். 'காந்திமகான் வாங்கித் தந்த சுதந்திரம்' என்னும் வரிகளுடன் தொடங்கும் பாடலை பாடியுள்ளார்.
இந்தப் பாடலை தற்போது படக்குழுவினர் வெளியிட்டுள்ளனர். அரசியல் பிரச்னைகளை பற்றி எடுத்துரைக்கும் என்பதால் தேர்தல் நேரத்தில் இப்பாடலை வெளியிட்டுள்ளனர்.
மேலும், தமிழ் சினிமாவை விட்டு விலகியிருந்த கானா பாலா நீண்ட இடைவெளிக்கு பிறகு காந்தி மகான் வாங்கித் தந்த சுதந்திரம் பாடலை பாடியிருப்பது ரசிகர்களை வெகுவாக கவர்ந்துள்ளது. கானா பாலாவின் ரசிகர்கள் இந்தப் பாடலை கொண்டாடி வருகின்றனர்.
