இயக்குநர் வெங்கட் பிரபு இயக்கத்தில் சுரேஷ் காமாட்சி தயாரிப்பில் உருவாகி வரும் திரைப்படம், ’மாநாடு’. இதில் சிம்பு, கல்யாணி பிரியதர்ஷன், எஸ்.ஜே. சூர்யா உள்ளிட்ட பலரும் இதில் நடித்து வருகின்றனர். இத்திரைப்படம் ரம்ஜான் பண்டிகைக்கு வெளியாகும் என எதிர்பார்க்கப்பட்ட நிலையில், கரோனா பரவல் காரணமாக படப்பிடிப்பு தாமதமானது.
இந்நிலையில் சமீபத்தில் இப்படத்தின் படப்பிடிப்பு முடிந்த நிலையில், இதன் டப்பிங் பணிகள் நேற்று (மே.06) பூஜையுடன் தொடங்கியது. அதில் படக்குழுவினர் அனைவரும் எடுத்துக்கொண்ட புகைப்படத்தை தயாரிப்பாளர் சுரேஷ் காமாட்சி தனது ட்விட்டர் பக்கத்தில் வெளியிட்டார். அதில் நடிகர் சிம்பு இல்லாததால், அவர் எங்கே என்று ரசிகர்கள் கேள்வி எழுப்பி வருகின்றனர்.
