சென்னை: தமிழ் சினிமால் பாடலாசிரியர் சினேகன் எழுதிய பல பாடல்கள் ரசிகர்கள் மத்தியில் நல்ல வரேற்பை பெற்று வருகின்றன. இவர் பாடலாசிரியர் மட்டுமல்லாது நடிகர் கமலின் கட்சியான மக்கள் நீதி மய்யத்தில் இளைஞரணி மாநிலச் செயலாளராகவும் உள்ளார்.
ஒருசில திரைப்படங்களில் நடித்த சினேகன் 'பிக்பாஸ்' நிகழ்ச்சியிலும் கலந்து கொண்டு ரசிகர்கள் மத்தியில் பிரபலமானார். இந்நிலையில், சினேகன் தனது நீண்டநாள் காதலியான நடிகை கன்னிகா ரவியை இன்று (ஜூலை.29) கமல் முன்னிலையில் திருமணம் செய்து கொண்டார்.
விழாவில், பேராசிரியர் ஞானசம்பந்தம், இயக்குநர்கள் பாரதிராஜா, அமீர், இசை அமைப்பாளர் தாஜ்நூர், பழ.கருப்பையா உள்ளிட்டோர் கலந்துகொண்டனர். கரோனா விதிமுறைகளை பின்பற்றி இத்திருமணம் நடைபெற்றது. இதனை தொடர்ந்து இன்று (ஜூலை.29) மாலை வரவேற்பு நிகழ்ச்சி நடைபெற உள்ளது.
