2012ஆம் ஆண்டு நடிகர் கிருஷ்ணா, நடிகை பிந்து மாதவி நடிப்பில் சத்யசிவா இயக்கத்தில் வெளியான படம் 'கழுகு'. இப்படம் அப்போது மாபெரும் வெற்றி பெற்றது. ஏழு வருடங்களுக்கு பிறகு தற்போது இந்த படத்தின் இரண்டாம் பாகம் அதே கூட்டணியில் 'கழுகு 2' என்ற பெயரில் உருவாகி உள்ளது. மதுக்கூர் மூவி மேக்கர்ஸ் சார்பில் சிங்காரவேலன் தயாரித்துள்ள இந்தப் படம் வரும் ஆகஸ்ட்-1ஆம் தேதி ரிலீசாக உள்ளது.
கழுகு படத்தில் கொடைக்கானல் மலைப்பகுதியில் தற்கொலை செய்துகொள்பவர்களின் பிணங்களை உயிரைப் பணயம் வைத்து மீட்டெடுக்கும் தொழிலாளி கதாபாத்திரத்தில் நடித்த கிருஷ்ணா, 'கழுகு 2 'படத்தில் மேற்கு தொடர்ச்சி மலையில் மக்களுக்கு இடையூறு செய்யும் ஆபத்தான மிருகங்களை வேட்டையாடும் கதாபாத்திரத்தில் நடித்துள்ளார்.
இந்த படத்தில் காளிவெங்கட் முக்கிய கதாபாத்திரத்தில் நடித்துள்ளார். யுவன் சங்கர் ராஜா இசையமைக்க, ராஜா பட்டாசார்ஜி ஒளிப்பதிவு செய்யதுள்ளார்.
