'ரெமோ' பாக்யராஜ் கண்ணன் இயக்கத்தில் கார்த்தி, ராஷ்மிகா மந்தனா ஆகியோர் முன்னணி கதாபாத்திரங்களில் நடித்து வரும் படம் 'சுல்தான்'. இப்படத்தின் டீசர் பிப்ரவரி 1ஆம் தேதி வெளியிடப்பட்டது.
ட்ரீம் வாரியர்ஸ் நிறுவனம் தயாரிப்பில் பெரும் பொருள்செலவில் உருவாகிவரும் இத்திரைப்படத்தின் படப்பிடிப்பு திண்டுக்கல்லில் சமீபத்தில் நடைபெற்று முடிந்தது. தற்போது படத்தின் இறுதிக்கட்ட பணிகள் நடைபெற்று வருகின்றன.
இந்த படத்திற்கு விவேக் - மெர்வின் இசையமைத்துள்ளனர். இதனனைத்தொடர்ந்து அனிருத் குரலில் 'ஜெய் சுல்தான்' ஃபர்ஸ்ட் சிங்கிள் வெளியாகி ரசிகர்கள் மத்தியில் பெரும் வரவேற்பை பெற்றது. இதையடுத்து நாளை (மார்ச் 5) இரண்டாவது பாடலான 'யாரும் இவ்ளோ அழக பாக்கல' என்ற பாடல் வெளியாகிறது. இந்த பாடலை நடிகர் சிம்பு பாடியிருப்பதாக கூறப்படுகிறது.
