‘மேயாதமான்’ ரத்ன குமார் இயக்கத்தில் அமலா பால் முன்னணி கதாபாத்திரமேற்று நடித்த படம் ‘ஆடை’. ஸ்பூஃப் (ஏமாற்றுதல்) வீடியோ எடுத்து சம்பாதிக்கும் நபர்களால் பாதிக்கப்படுபவர்கள் பற்றி இதன் கதை விளக்கியிருக்கும். இந்தப் படத்தில் அமலா பால் ஆடையின்றி சில மணிநேரம் நடித்ததால், ‘ஆடை’ பெரும் சர்ச்சையை சந்தித்தது. அதேசமயம் படம் பேசிய கருத்துக்காக சிலர் பாராட்டவும் செய்தனர். தற்போது இந்தப் படத்தின் இந்தி ரீமேக்கில் கங்கனா ரனாவத் நடிக்கவிருப்பதாகத் தகவல்கள் வெளியாகியுள்ளன.
’ஆடை’ படத்தின் ரீமேக் உரிமையை பாலிவுட் இயக்குநர் மகேஷ் பட் பெற்றிருக்கிறார். மர்டர், ஆஷிகி உள்ளிட்ட பல படங்களை இயக்கியவர் மகேஷ் பட். கங்கனா ரனாவத் இவருடன் 'கேங்ஸ்டர்', 'ஓ லம்ஹே', 'ராஸ்' ஆகிய படங்களில் பணிபுரிந்திருக்கிறார். தற்போது கங்கனா ‘ஆடை’ ரீமேக்கில் நடித்தால் அது இவர்கள் கூட்டணியில் உருவாகும் நான்காவது படமாகும்.
இதையும் படிங்க: அடல்ட் படத்தில் சமூக கருத்தை சொல்லும் 'ஆடை'!
