நீண்ட நாட்களுக்குப் பிறகு முன்னாள் காதலர்களான ஜெனிபர் அனிஸ்டன் - பிராட் பிட் மீண்டும் தங்களுக்குள்ளான உறவை புதுப்பித்துக் கொண்டுள்ளனர்.
ஹாலிவுட் நட்சத்திரக் காதலர்களாக வலம் வந்த அனிஸ்டன் - பிராட் பிட் 2000ஆம் ஆவது ஆண்டில் திருமண பந்தத்தில் இணைந்தனர். இதையடுத்து 2005ஆம் ஆண்டு கருத்து வேறுபாடு காரணமாகப் பிரிந்தனர்.
இதைத்தொடர்ந்து ஹாலிவுட் நடிகை ஏஞ்சலினா ஜோலியுடன் நெருக்கமாக பழகிய பிராட் பிட் 2014ஆம் ஆண்டு அவரை திருமணம் செய்துகொண்டார். இந்தத் தம்பதியனருக்கு 5 குழந்தைகள் இருந்த நிலையில், அவர்களை வளர்த்து வந்தனர்.
பின்னர் ஏஞ்சலினாவுக்கும் பிராட் பிட்டுக்கு மனக்கசப்பு ஏற்பட்ட நிலையில், 2016ஆம் ஆண்டு பிரிவதாக அறிவித்தனர். இதனைத்தொடர்ந்து 2019ஆம் ஆண்டு இவர்களுக்கு விவாகரத்து அளிக்கப்பட்டது.
இதனிடையே ஹாலிவுட் நடிகர் ஜஸ்டின் தெராக்ஸை திருமணம் செய்து கொண்ட அனிஸ்டன் 2017ஆம் ஆண்டு பிரிந்தார்.
அனிஸ்டன் - பிராட் பிட் ஆகிய இருவரும் தங்களது துணையைப் பிரிந்த நிலையில், தற்போது தங்களது பழைய உறவை புதுப்பித்துக்கொண்டுள்ளனர்.
சமீபத்தில் அனிஸ்டனின் 50ஆவது பிறந்தநாள் விழாவில் கலந்து கொண்டார் பிராட் பிட். இதேபோல் கடந்த இரு வாரங்களுக்கு முன் விடுமுறை நாளில் பார்ட்டி ஒன்றில் இந்த இருவரும் இணைந்து பங்கேற்றுள்ளனர்.
அனிஸ்டன் - பிராட் பிட் ஆகிய இருவரும் நட்பாகவே பழகி வருகின்றனர் என்று விவரமறிந்த வட்டாரங்கள் தெரிவிக்கின்றன.
இதையும் படிங்க:
வணக்கம் துபாய் - பிகினி பேபி ராய் லட்சுமியின் 'வாவ்' ஸ்டில்ஸ்!
