ஜே.பி.ஆர், ஷாம் சூர்யா ஆகிய இரண்டு இயக்குநர்கள் இணைந்து இயக்கும் திரைப்படம் 'பிரண்ட்ஷிப்'. இதில் கிரிக்கெட் வீரர் ஹர்பஜன் சிங் ஹீரோவாக நடிக்க அவருக்கு ஜோடியாக ’பிக் பாஸ் 3’ நிகழ்ச்சியில் இடம்பெற்று பிரபலமடைந்த லாஸ்லியா நடிக்கிறார். மேலும் இப்படத்தில் அர்ஜுன், சதீஷ் ஆகியோர் முக்கியக் கதாபாத்திரங்களில் நடிக்கின்றனர்.
இந்நிலையில் இப்படத்தில் இடம்பெற்றுள்ள ’சூப்பர் ஸ்டார் ஆந்தம்’ என்ற பாடல், நேற்று (ஜூலை ஐந்து) படத்தின் நாயகனும் கிரிக்கெட் வீரருமான ஹர்பஜன் சிங்கின் பிறந்த நாளை முன்னிட்டு படக்குழுவினரால் வெளியிடப்பட்டது.
ரஜினிகாந்த்தின் பெருமைகளை விவரிக்கும் இந்தப் பாடலை நடிகர் சிம்பு பாடியுள்ளார். இப்பாடல் தற்போது சமூக வலைதளங்களில் வைரலாகியுள்ளது.
