சந்தோஷ் நாராயணன் இசையில் தீ, அறிவு பாடியுள்ள பாடல் ‘என்சாய் எஞ்சாமி’. தெற்காசிய சுயாதீன கலைஞர்களின் குரல்களை உலக மேடைகளில் கொண்டு சேர்க்கும் வகையில், ஏ.ஆர்.ரஹ்மான் புதிதாகத் தொடங்கியுள்ள 'மாஜா' தளத்தில் இப்பாடல் உருவாக்கப்பட்டுள்ளது.
சமீபத்தில் இப்பாடல் வெளியான நிலையில், ரசிகர்கள் மனதை வெகுவாகக் கவர்ந்துள்ளது. எங்குச் சென்றாலும் இந்த பாடலைத் தான் பலரும் முணுமுணுத்து வருகிறார்கள். இந்நிலையில், தற்போது மற்றொரு மைல்கல்லாக இப்பாடல் யூ-டியூப் தளத்தில் இரண்டு மில்லியன் பார்வையாளர்களைக் கடந்து சாதனை படைத்துள்ளது.
இதையும் படிங்க: அசோக் செல்வன், பிரியா பவானி சங்கர் நடிக்கும் படத்தின் டைட்டில் வெளியீடு!
