ஒத்த செருப்பைத் தொடர்ந்து ரீமேக் ஆகும் பார்த்திபனின் 'ஹவுஸ்ஃபுல்'

நடிகர் பார்த்திபனின் 'ஒத்த செருப்பு' திரைப்படம் வெற்றி பெற்றதைத் தொடர்ந்து, 1999ஆம் ஆண்டு அவரது இயக்கத்தில் வெளியான 'ஹவுஸ்ஃபுல்' திரைப்படத்தின் ஹிந்தி ரீமேக்கை பாலிவுட்டின் பெரும் நடிகரை வைத்து இயக்க பார்த்திபன் திட்டமிட்டிருக்கிறார்.

நடிகர் பார்த்திபன் தனது 'ஒத்த செருப்பு', திரைப்படத்தில் பலரால் வெகுவான பாராட்டுகளைப் பெற்றார். அவரே எழுதி, இயக்கி தயாரித்து இருந்த அந்தப் படம் ரசிகர்களிடையே கலவையான விமர்சனத்தைப் பெற்றது.

படம் நல்ல வரவேற்பைப் பெற்றதை தொடர்ந்து, அதன் ஹிந்தி ரீமேக்கில் நடிகர் நவாசுதீன் சித்திக்கை வைத்து இயக்க பார்த்திபன் திட்டமிட்டிருந்தார். அதை ஹாலிவுட்டில் ரீமேக் செய்யவும் சில தயாரிப்பு நிறுவனங்களை அணுகினார். தற்போது புதிய முயற்சியாக ஒரே ஷாட்டில் எடுக்கப்படும், 'இரவின் நிழல்' என்ற படத்தை இயக்குகிறார்.