ஸ்ரீவாரி பிலிம்ஸ் தயாரிப்பில் முத்துக்குமரன் இயக்கும் படம் தர்மப்பிரபு. இப்படம் முழுநீள நகைச்சுவை படமாக படமாக்கப்பட்டு வருகிறது. இதில் யோகிபாபு எமனாகவும், ராதாரவி அவருடைய தந்தையாகவும் நடிக்கிறார். ரமேஷ் திலக் சித்திரகுப்தனாக நடிக்கிறார். அப்படத்தில் ஜனனி ஐயர் மற்றும் நடிகர் சாம் ஆகியோர் சிறப்பு தோற்றத்தில் நடிக்கின்றனர்.
ஏ.வி.எம். ஸ்டுடியோவில் பிரம்மாண்டமான எமலோக செட் அமைத்து முதல் கட்ட படப்பிடிப்பு நிறைவடைந்தது. இதனையடுத்து இரண்டாம் கட்ட படப்பிடிப்பு, பூலோக பகுதிக்காக 20 நாட்கள் பொள்ளாச்சியில் தங்கி தொடர் படப்பிடிப்பை நடத்தி வந்தார்கள். ஒரு சிறிய இடைவெளிக்குப் பிறகு விரைவில் சென்னையில் இறுதிகட்ட படப்பிடிப்பு நடக்கவிருக்கிறது.
