ஜெயம் ரவி, காஜல் அகர்வால் முதன் முறையாக ஜோடி சேர்ந்து நடிக்கும் படம் கோமாளி. புதுமுக இயக்குநர் பிரதீப் ரங்கநாதன் இயக்கும் இப்படத்தை ஐசரி கணேசன் வேல்ஸ் இன்டர்நேஷனல் நிறுவனம் தயாரிக்கிறது. ரிச்சர்ட் எம் நாதன் ஒளிப்பதிவு செய்யும் இப்படத்திற்கு ஹிப் ஹாப் தமிழா இசையமைக்கிறார்.
இந்தப்படத்திற்காக நடிகர் ஜெயம் ரவி தனது உடல் எடையை 20 கிலோ குறைத்துள்ளதாகவும், பல்வேறு மாறுபட்ட வேடங்களில் நடித்து வருவதாகவும் தகவல்கள் வெளியாகின. இதற்கிடையில் இப்படத்தின் போஸ்டர் வெளியாகி நல்ல வரவேற்பை பெற்றுவரும் நிலையில், தற்போது அப்படத்தின் 'ஃபர்ஸ்ட் லுக்' நல்ல வரவேற்பை பெற்றுள்ளது. இந்த புகைப்பட்டத்தில் காட்டுவாசியைப் போன்று உடையணிந்து, நீளமான முடியுடன், கையில் கூர்மையான ஆயுதத்தைக் கொண்டு ஜெயம் ரவி மிரட்டியுள்ளார்.
