இயக்குநர் பா.ரஞ்சித், ஆர்யாவை வைத்து இயக்கியுள்ள படம் 'சார்பட்டா பரம்பரை'. வடசென்னையின் பாரம்பரிய விளையாட்டான குத்துச்சண்டையை மையமாக வைத்து எடுக்கப்பட்டுள்ள இப்படத்தில் பசுபதி, கலையரசன் உள்ளிட்ட நடிகர்கள் நடித்துள்ளனர்.
இப்படத்திற்காக ஆர்யா உடற்பயிற்சி மேற்கொண்டு தனது உடலைக் கட்டுமஸ்தாக மாற்றினார். அப்போது எடுக்கப்பட்ட புகைப்படம் சமூக வலைதளத்தில் வைரலானது. சந்தோஷ் சிவன் இசையமைத்த இந்தப்படத்தை கே9 ஸ்டூடியோஸ் தயாரித்துள்ளது.
கரோனா பரவல் காரணமாக இப்படம் நேரடியாக அமேசான் பிரைம் ஓடிடி தளத்தில் நேற்றிரவு (ஜூலை.21) வெளியானது. இப்படத்தின் ட்ரெய்லர், ஃபர்ஸ்ட் லுக், கதாபாத்திரத்தின் மேக்கிங் வீடியோ என அனைத்தும் ரசிகர்கள் மத்தியில் நல்ல வரவேற்பை பெற்ற நிலையில், படமும் ரசிகர்கள் மத்தியிலும் திரையுலகினர் மத்தியிலும் நல்ல வரேவற்பை பெற்றுள்ளது.
இப்படத்தை பார்த்த இயக்குநர் மாரிசெல்வராஜ் உள்ளிட்ட திரைப்பிரபலங்கள் வெகுவாக பாராட்டி வருகின்றனர்.
இதையும் படிங்க: கலைத்தாண்டவம் ஆடிய சார்பட்டா பரம்பரை- மாரி செல்வராஜ்
