நடிகர் சூர்யா இன்று (ஜூலை 23) தனது 46ஆவது பிறந்தநாளைக் கொண்டாடிவருகிறார். 'நேருக்கு நேர்' படம் தொடங்கி இன்று 'எதற்கும் துணிந்தவன்'ஆக நிமிர்ந்துநிற்கிறார். பொதுவாக சூர்யா படம் வெளியாகின்றது என்றாலே அவரது ரசிகர்கள் திரையரங்குகளில் அதனைத் திருவிழாபோல் கொண்டாடுவார்கள்.
அப்படி இருக்கும் சூழலில் அவரது இந்தாண்டு பிறந்தநாளை சும்மா விடுவார்கள். இன்று காலை முதலே பட்டாசு வெடிப்பது, இனிப்புகள் வழங்குவது, பேனர் அடிப்பது என வெகுவிமரிசையாகக் கொண்டாடிவருகின்றனர்.
ரசிகர்கள் மட்டுமின்றி திரையுலகினர் பலரும் சமூக வலைதளங்களில் அவருடன் எடுத்துக்கொண்ட புகைப்படத்தைப் பதிவிட்டு வாழ்த்துத் தெரிவித்துவருகின்றனர்.
நடிகர் சூர்யா தற்போது பாண்டிராஜ் இயக்கும், 'எதற்கும் துணிந்தவன்', வெற்றி மாறன் இயக்கும் 'வாடிவாசல்' ஆகிய படங்களில் நடித்துவருகிறார்.
இதையும் படிங்க: தமிழ் சமூகத்தின் இதய துடிப்பு சூர்யா!
