ராக்கி என்ற திரைப்படத்தின் ட்ரெய்லரைப் பார்த்து வாவ் என பாராட்டியதுடன் அதனை ஷேர் செய்துள்ளார் நடிகர் வருண் தவான். தமிழில் தரமணி படத்தில் அறிமுகமானவர் வசந்த் ரவி. இந்தப் படத்தை தொடர்ந்து இவரது இரண்டாவது படமான ராக்கி ட்ரெய்லர் கடந்த இரு நாட்களுக்கு முன் வெளியிடப்பட்டது. படத்தை அறிமுக இயக்குநர் அருண் மாதேஷ்வரன் இயக்குகிறார்.
’காலம் ஒரு துரோகி’ என்ற வரிகளில் கவிதை தொடங்கி பின்னணி குரல் ஒலிக்க, அழுத்தமான காட்சிகளோடு அமைந்திருக்கும் 2 நிமிட ட்ரெய்லர் ரசிகர்களிடம் நல்ல வரவேற்பைப் பெற்றுள்ளது. இப்படம் கோலிவுட்டின் பரிணாமத்தை மாற்றி அமைக்கும் என எதிர்பார்ப்பதாக பலரும் கருத்து தெரிவித்து வருகின்றனர்.
இந்த நிலையில், ராக்கி பட ட்ரெய்லரை பார்த்த பாலிவுட் ஹீரோவான வருண் தவான், அதனை தனது ட்விட்டரில் ஷேர் செய்துள்ளார். அதில், என்ன ஒரு ட்ரெய்லர்! வாவ்... என்று குறிப்பிட்டுள்ளார்.
-
What a trailerrrrrr #rocky https://t.co/TV4yIUrgiF wow wow wow
— Varun Dhawan (@Varun_dvn) October 2, 2019 " class="align-text-top noRightClick twitterSection" data="
">What a trailerrrrrr #rocky https://t.co/TV4yIUrgiF wow wow wow
— Varun Dhawan (@Varun_dvn) October 2, 2019What a trailerrrrrr #rocky https://t.co/TV4yIUrgiF wow wow wow
— Varun Dhawan (@Varun_dvn) October 2, 2019
வருண் தவானை பின் தொடரும் ரசிகர்கள் இந்த ட்ரெய்லரைப் பார்த்து தங்களது கருத்துகளை தெரிவித்து வருகின்றனர். பாலிவுட் சூப்பர் ஹிட் படங்களான மை நேம் இஸ் கான், ஸ்டூடண்ட் ஆஃப் தி இயர், பத்லாபூர் உள்ளிட்ட படங்களில் நடித்துள்ள வருண் தவான், தற்போது கூலி நம்பர் 1 என்ற படத்தில் நடித்து வருகிறார்.
