பிக்பாஸ் நிகழ்ச்சி தொடங்கி ஒருவாரம் நிறைவடைந்துவிட்டது. சண்டை எதுவும் இல்லாத காரணத்தினால் நிகழ்ச்சி சற்று சுமாராகவே சென்றது. ஆனால் போட்டியாளர்கள் குரூப் குரூப்பாக சேர்ந்துள்ளதால், தற்போது தான் மோதல்கள் கிளம்பியுள்ளது.
‘நேரம் காலை 9 மணி...’ என பிக்பாஸ் கூவதற்கு முன்பாகவே இமானும், ஐக்கியும் நாட்டு நடப்பு பேசுவதற்காக எழுந்துவிட்டனர். அப்புறம் அரசியல்’லாம் எப்படிபோது பிக்பாஸ் வீட்டுக்குள்ள என இமான் கேட்க, ஒவ்வொருவரும், ஸ்ட்ராட்டஜி வைத்து விளையாட ஆரம்பித்துவீட்டர்கள் என்றார் ஐக்கி.
சரி நீங்க பேசுனது போதும் என்று நினைத்தாரா என்னவோ தெரியவில்லை பிக்பாஸ், உடனே பாடலை போட்டுவிட்டு, அனைவரையும் எழுப்பிவிட்டார். ரவுடி பேபி பாடல் ஒலிக்க, அனைவரும் வழக்கம் போல் தங்களுக்குத் தெரிந்த நடனத்தை வெளிக்காட்டினர்.
ஒருமையில் பேசும் அபிஷேக்
பெரியவர்கள் என்று கூட பார்க்காமல், அபிஷேக் அனைவரையும் ஒருமையில் பேசுவதை வாடிக்கையாக வைத்திருக்கிறார். அதை பார்க்கும் நமக்கே சில சமயத்தில் சங்கடமாகத் தான் இருக்கிறது. அந்தவகையில் இசைவாணியிடம், வாடி, போடி என அபிஷேக் பேசிக் கொண்டிருந்தார்.
பிறகு ஒருவாரமாக நடைபெறும் ‘கதை சொல்லட்டுமா’ டாஸ்க் தொடங்குகிறது. இந்த முறை நம்ம கதை சொல்லும் மன்னர் அபிஷேக் வந்தார். இவர் பல திரைப்படங்களுக்கு விமர்சனம் சொல்லிச்சொல்லி தனது கதையை கூட விமர்சனம் போலவே சொல்கிறார். தனது அக்காவின் பாசத்தை ஒப்பிடும் போது, “என் அக்கா செருப்புன்னா நான் அதுல இருக்கும் சாணி, அவ டிஷ்யூ பேப்பர்னா நான் அதுல இருக்கும் அழுக்கு’’ என்று அவர் சொன்னதிலேயே நமக்கு தெரிந்திருக்கும்.
வாரி வழங்கும் குணாதிசயம் கொண்ட தனது தந்தைக்கு துரோகத்தால் நஷ்டம் ஏற்படுகிறது. அதனால் அவரும் தனது குடும்பம் சந்தித்த சிக்கல்கள், அந்த மன உளைச்சலால் அவர் எப்படி உயிரிழந்தார் என்பதை ஒரு சினிமா கதை விவரிப்பது போல் விவரித்தார் அபிஷேக். அந்த சூழ்நிலையில் தனது அப்பாவுடன் இல்லாமல் மனைவியுடன் தனியாக இருந்தது, இன்றுவரை எனக்கு குற்ற உணர்ச்சியாக இருக்கிறது என்றார்.
கன்ஃபெஷன் ரூமில் ஆப்பு
தலைவரான தாமரை செல்வியை அழைத்த பிக்பாஸ், ‘நீங்க யாரு... உங்களுக்கு என்ன கடமை இருக்கிறது. ஒரு தலைவராகச் செயல்பட வேண்டியதை நீங்கள் செய்யவில்லை’ என தனது பாணியில் அவரை கேள்வி கேட்கிறார். உடனே இனிமே நான் பார்த்துக்கிறேன் முதலாளி என அந்த இடத்தைவிட்டு நகர்ந்து சென்றுவிட்டார்.
மகனை எண்ணி தாயின் அழுகை
அபிஷேக்கைத் தொடர்ந்து தாமரை கதை சொல்ல வந்தார். தான் எதுவும் படிக்கவில்லை என்று தாமரை முன்பு சொல்லியபோதே நமக்கு தெரிந்திருக்கும் அவர் வறுமையான குடும்பத்தை சேர்ந்தவர் என்பது.
பின்னர் அவர் கூறுகையில், “என் அம்மா கூலி வேலை பார்ப்பவர். தம்பி, தங்கைகளைப் பார்க்கவேண்டும் என்பதற்காகப் நான் பள்ளிக்கூடம் போகவில்லை. வறுமை காரணமாக நாடகத்தில் நடிக்க சென்றேன், அங்கு சக நடிகர் மீது காதல் கொண்டேன். அவருக்கு திருமணமாகி மனைவி இல்லாததால் அவரை ஏற்றுக்கொண்டு திருமணம் செய்துகொண்டேன். அங்கு சென்ற பிறகு தான் தெரிந்தது பல்வேறு கொடுமைகள் நடக்கும் என்று. எங்களுக்கு ஒரு மகன் பிறந்தான். அவன் எதிர்காலத்தை நினைத்துத் தான் அங்கிருந்து நான் வெளியேறினேன்.
மறுமணம் செய்துகொண்டேன், இரண்டாவதாக மகன் பிறந்தான். என் முதல் மகனை பிரித்துக் கொண்டு சென்றுவிட்டார்கள். அவனை பார்த்து 4 மாதங்களாகிறது, இதை விட்டால் வாய்ப்பு அமையாது. என் மகன் எனக்கு வேண்டும்" என கண்ணீர் மல்க தெரிவித்தார் தாமரை. இவரின் கதையை கேட்டு நம் கண்களில் கூட கண்ணீர் வந்திருக்கும்.
மேலும் அவர் இந்த வீட்டிற்கு வந்தபிறகு தான், சந்தோஷமாக ஆடிப் பாடுகிறேன். இவ்வளவு உணவைப் பார்க்கிறேன் என்ற போது தெரிந்தது வறுமையில் பிடியில் அவர் எப்படி தவித்திருந்தார் என்பது. உங்களின் மனதிற்கு நீங்க பிக்பாஸ் டைட்டில் ஜெயிக்கணும் என அபிஷேக் மனதார தாமரை செல்வியை வாழ்த்தினார்.
எம்ஜிஆர் உதவி
அடுத்த நபராக பேசவந்த வருண், ஐசரி வேலனின் பேரன் என்பதால், தான் born with silver spoon என்று அனைவரும் நினைப்பார்கள். ஆனால் தன்னுடைய குடும்பம் கஷ்டத்திலிருந்த போது, எம்ஜிஆர் உதவியதால் தான் மேலே வந்தேன் என்றார். மேலும் தன் மாமா ஐசரி கணேஷ் நிறைய உதவி செய்தார் என்று தனது வாழ்க்கையை எளிதாகக் கூறிவிட்டார் வருண்.
இசைக்கும், இமானுக்கும் மோதல்
இமானிடம், ‘நீங்க சொன்ன இரண்டு விஷயம் எனக்கு ரொம்ப ஹர்ட் ஆச்சு?’ என ஆரம்பித்தார் இசை. சரி சொல்லுமா என இமான் கேட்க, ‘நான் எப்போதும் பாடிக்கொண்டே இருக்கிறேன் என்று நீங்கள் சொன்னது ரொம்ப கஷ்டமாக இருக்கு’ என்றார். அட இதுதானமா என்று இசை சொன்னதைக் கேட்டு..‘கடவுளே...இதுக்கா... இப்படி” என்று சொல்லிவிட்டுக் கிளம்பிவிட்டார் இமான். இத்துடன் நேற்றைக்கான நிகழ்ச்சி முடிந்தது.
இதையும் படிங்க: ராக்கிங் தாமரைச்செல்வி அப்போவே அப்படி... எப்படினு கேளுங்க...
