நெல்சன் இயக்கத்தில் நடிகர் விஜய் நடித்துவரும் திரைப்படம் பீஸ்ட். இதில் அவருக்கு ஜோடியாக பூஜா ஹெக்டே நடிக்க வில்லன் கதாபாத்திரத்தில் இயக்குநர் செல்வராகவன் நடித்துவருகிறார். சன்பிக்சர்ஸ் நிறுவனம் தயாரிக்கும் இப்படத்திற்கு அனிருத் இசையமைக்கிறார்.
இப்படத்தின் மூன்றாவது கட்ட படப்பிடிப்பு இம்மாதம் ஒன்றாம் தேதி சென்னை கோகுலம் ஸ்டுடியோவில் தொடங்கி விறுவிறுப்பாக நடைபெற்றுவந்த நிலையில், நேற்றுடன் படப்பிடிப்பு நிறைவடைந்தது. அதில் விஜய்- பூஜா ஹெக்டே தொடர்பான காட்சிகள் படமாக்கப்பட்டன. அதற்காக அவர் மும்பையிலிருந்து, சென்னை வந்திருந்தார்.
இந்நிலையில் பீஸ்ட் திரைப்படத்தின் நான்காம் கட்ட படப்பிடிப்பு அடுத்த மாதம் 1ஆம் தேதி முதல் மீண்டும் சென்னையில் தொடங்குகிறது. வெறும் ஒருவாரம் மட்டுமே விடுமுறை எடுத்துக்கொண்டு படக்குழுவினர் விறுவிறுப்பாகப் படப்பிடிப்பிற்குத் தயாராகி உள்ளனர்.
இதையும் படிங்க: மகனுக்காக மனைவியை மீண்டும் மணம் முடித்த பிரகாஷ் ராஜ்
