'சினம்' படத்தின் டப்பிங் பணிகள் தொடக்கம்!

சென்னை: அருண் விஜய் நடிப்பில் உருவாகிவரும் சினம் படத்தின் டப்பிங் பணிகள் தொடங்கியுள்ளன.

மூவி ஸ்லைட்ஸ் நிறுவனம் சார்பில், நடிகர் அருண்விஜய் நடிப்பில் தேசிய விருது பெற்ற தயாரிப்பாளர் ஜி.என்.ஆர்.குமாரவேலன் எழுதி இயக்கும் படம் 'சினம்'. இந்தப் படத்தில் காவல்துறை அலுவலராக நடிக்கும் அருண் விஜய்க்கு ஜோடியாக, பல்லக் லால் வாணி நடிக்கிறார்.

அருண் விஜய் - விஜயகுமார்

அருண் விஜய்யின் 30வது படமான இந்தப் படத்தின் படப்பிடிப்பு பணிகள் அனைத்தும் முடிந்த நிலையில், கரோனா தொற்றுக் காரணமாக படத்தின் போஸ்ட் புரொடக்‌ஷன் பணிகள் நிறுத்தி வைக்கப்பட்டிருந்தன. தற்போது, இந்தப் படத்தின் டப்பிங் பணிகள் இன்று ( ஆகஸ்ட் 3) தொடங்கியது.

படக்குழுவினருடன் அருண் விஜய்

அரசு அறிவுரைகளின் படி, தனி மனித இடைவெளியுடன் பாதுகாப்பு அறிவுரைகளை பின்பற்றி, இந்த டப்பிங் பணிகள் நடைபெற்றதாக படக்குழுவினர் அறிவித்துள்ளனர்.