சென்னை: வெற்றிமாறனின் உதவியாளராக இருந்த மதிமாறன் இயக்கியுள்ள படம் ’செல்ஃபி’. இப்படத்தில் ஜி.வி.பிரகாஷ் குமார் இசையமைத்து நடித்துள்ளார். இப்படத்தில், கௌதம் மேனன் முக்கிய வேடத்தில் நடித்துள்ளார். இப்படம் வருகிற ஏப்ரல் 1ஆம் தேதி திரையரங்குகளில் வெளியாகிறது.
இந்நிலையில், இப்படத்தை பார்த்த பாமக இளைஞரணி தலைவர் அன்புமணி ராமதாஸ் வெகுவாக பாராட்டியுள்ளார். இதுகுறித்து, தனது ட்விட்டர் பக்கத்தில், " 'செல்பி' படத்தின் முன்னோட்டத்தை பார்த்தேன். நீட் தொடர்பான மோசடிகள், தற்கொலைகள், கொலைகள் மற்றும் கல்லூரி கட்டணம் ஆகியவற்றை அம்பலப்படுத்தும் துணிச்சலான படம்.
ஜி.வி.பிரகாஷ், கௌதம் வாசுதேவ் மேனன், புதுமுகம் குணாநிதி ஆகியோர் அசத்தியிருக்கிறார்கள். நான் பார்த்ததிலேயே ஜீ.வி.பிரகாஷின் சிறந்த படங்களில் இதுவும் ஒன்று. இயக்குநர் மதிமாறனுக்கு வாழ்த்துகள்” எனப் பதிவிட்டிருந்தார்.
இதையும் படிங்க: சைக்கோ த்ரில்லர் படம் 'லாக்' - ஃபர்ஸ்ட்லுக் வெளியீடு!
