நடிகர் அக்ஷய் குமார் நடிப்பில் உருவாகிவரும் ’ராம் சேது’ திரைப்படத்தை அபிஷேக் சர்மா இயக்கி வருகிறார். அதிரடி கலந்த படமாக உருவாகும் இப்படத்தின் படப்பிடிப்பு சமீபத்தில் தொடங்கி விறுவிறுப்பாக நடைபெற்று வருகிறது.
இப்படத்தை கேப் ஆஃப் குட் பிலிம்ஸ், அபண்டன்டியா என்டர்டெயின்மென்ட், லைகா புரொடக்ஷன்ஸ், அமேசான் பிரைம் நிறுவனம் ஆகியவை இணைந்து தயாரிப்பதாக அதிகாரப்பூர்வமாக அறிவிக்கப்பட்டுள்ளது.
இதுகுறித்து படத்தின் கதாநாயகன் கூறுகையில், ”வலிமை, துணிச்சல், அன்பு ஆகியவற்றைப் பிரதிபலிக்கும் விதமாக ’ராம் சேது’ திரைப்படத்தின் கதை தயாராகி வருகிறது.
’ராம் சேது’ என்பது கடந்த கால, நிகழ்கால, எதிர்காலத் தலைமுறைகளுக்கு இடையிலான ஒரு பாலமாகும். அமேசான் பிரைம் நிறுவனம் மூலமாக இக்கதை எல்லைகளைக் கடந்து, உலகெங்கிலும் உள்ள ரசிகர்களைச் சென்று அடையும் என்பதில் நான் மகிழ்ச்சியடைகிறேன்” என்று கூறியுள்ளார்.
