'லிஃப்ட்' என்னும் ஹாரர் த்ரில்லர் திரைப்படத்தில் நாயகனாக சிறப்பான நடிப்பை வெளிப்படுத்தி, அனைவரது கவனத்தையும் ஈர்த்தார், நடிகர் கவின்.
கார்ப்பரேட் கம்பெனிகளின் ஈவு இரக்கமற்ற மறுபக்கத்தை தோலுரித்துக் காட்டிய இத்திரைப்படம் டிஸ்னி ப்ளஸ் ஹாட் ஸ்டாரில் வெளியானது. இதில் கவினுக்கு ஜோடியாக அமிர்தா ஐயர் நடித்திருந்தார்.
கவின் அடுத்ததாக நயன்தாரா - விக்னேஷ் சிவன் தயாரிப்பில் ரவுடி பிக்சர்ஸ்க்காக 'ஊர்குருவி' எனும் படத்தில் நடிக்கவுள்ளார். இதற்கிடையே கடந்த ஆகஸ்ட் 2ஆம் தேதி பூஜையுடன் கவின் நடிப்பில் ‘ஆகாஷ் வாணி’ எனும் வெப் சீரிஸின் படப்பிடிப்பு தொடங்கியது. இதில் ரெபா மோனிகா ஜான் கதாநாயகியாக நடித்துள்ளார்.
விறுவிறுப்பாக நடந்து வந்த இந்த சீரிஸின் படப்பிடிப்புப் பணிகள் நிறைவடைந்த நிலையில், சமீபத்தில் ஃபர்ஸ்ட் லுக் போஸ்டர் வெளியாகி வைரலானது.
சரத் ரவி, தீபக் பரமேஷ், வின்சா, அபிதா வெங்கட், மேகி ஆகியோர் இந்த வெப் தொடரில் முக்கியக் கதாபாத்திரங்களில் நடித்துள்ளனர். இந்நிலையில் 'ஆகாஷ் வாணி' வெப் சீரிஸின் டீசர் இன்று (பிப்.1) யூ- ட்யூபில் வெளியாகி பெரும் வரவேற்பைப் பெற்றுள்ளது.
இதையும் படிங்க: 'எதற்கும் துணிந்தவன்' ரிலீஸ் தேதி அறிவிப்பு
