நேர்கொண்ட பார்வை படத்தைத் தொடர்ந்து அஜித் வலிமை படத்தில் நடித்து வருகிறார். ஹெச். வினோத் இயக்கி வரும் இப்படத்தை மறைந்த நடிகை ஸ்ரீ தேவியின் கணவரும், தயாரிப்பாளருமான போனி கபூர் தயாரிக்கிறார்.
இப்படத்தின் முதல்கட்ட படப்பிடிப்பு ஹைதராபாத்தில் உள்ள ராமோஜி ராவ் பிலிம் சிட்டியில் நடந்த முடிந்த முடிந்த நிலையில், அடுத்தக்கட்ட படப்பிடிப்பு சென்னையில் விறுவிறுப்பாக நடைபெற்று வருகிறது. அதில் அஜித்தின் பைக் ரேஸ் காட்சிகள் படமாக்கப்பட்டு வருவதாக கூறப்படுகிறது.
இந்நிலையில் பைக் ரேஸ் ஷூட்டிங் நடைபெற்றுக் கொண்டிருக்கும்போது அஜித், தவறுதலாக கீழே விழுந்ததாகவும் அதனால் அவர் காலில் சிறிதளவு காயம் ஏற்பட்டதாகவும் தகவல் வெளியாகியுள்ளது.
இச்செய்தி அஜித் ரசிகர்கள் மத்தியில் மிகுந்த சோகத்தை ஏற்படுத்தியுள்ளது. மேலும் ட்விட்டரில் # என்ற ஹாஷ்டேக்கை உருவாக்கி தல ரசிகர்கள் ட்ரெண்ட் செய்து வருகின்றனர்.
இதையும் படிங்க: பியர் கிரில்ஸுடன் ஸ்டைலாக நிற்கும் ரஜினி - 'மேன் வெர்சஸ் வைல்ட்' மோஷன் போஸ்டர் வெளியீடு!
