சென்னை: ரேணிகுண்டா, கருப்பன் படங்களை இயக்கிய பன்னீர்செல்வம் இயக்கத்தில் உருவாகியுள்ள திரைப்படம் "ஐஸ்வர்யா முருகன்". அருண் பன்னீர்செல்வம், வித்யா உள்ளிட்டோர் நடித்துள்ளனர். இத்திரைப்படமானது ஆணவக்கொலையை மையமாக வைத்து தயாராகியுள்ளது.
மாஸ்டர்பீஸ் திரைப்பட நிறுவனத்தின் சார்பில், ஜிஆர்.வெங்கடேஷ், கே.வினோத் ஆகியோர் தயாரித்துள்ளனர். இத்திரைப்படமானது வருகின்ற பொங்கலுக்கு வெளியிடப்படும் எனப் படக்குழு அறிவித்திருந்தது.
இந்நிலையில் தற்போது இப்படத்தின் வெளியீ்ட்டை ஜனவரி 26ஆம் தேதிக்கு தள்ளி வைப்பதாக படக்குழு அறிவித்துள்ளது. ஜன13ஆம் தேதியில் ஏராளமான படங்கள் வெளியிடப்படுவதால் அதிக திரையரங்குகள் கிடைக்காது என்பதால் வெளியீடு தேதி மாற்றப்பட்டுள்ளதாகவும் தகவல் வெளியாகியுள்ளது.
இதையும் படிங்க: போதைப் பொருள் விழிப்புணர்வு: ஜெயம் ரவி குறும்படத்தை வெளியிட்ட ஏடிஜிபி!
