பாலிவுட்டில் வெளியாகி மிகப்பெரிய விவாதத்தை ஏற்படுத்திய 'பிங்க்' திரைப்படம், தமிழில் அஜித் நடித்து 'நேர்கொண்ட பார்வை' என்ற பெயரில் வெளியாகவுள்ளது. இத்திரைப்படம் ஆகஸ்ட் 8ஆம் தேதி வெளியாகும் என அறிவிக்கப்பட்டுள்ள நிலையில், படத்தின் பாடல்கள் ஒவ்வொன்றாக வெளியிடப்பட்டு-வருகின்றன.
யுவன் சங்கர் ராஜா இசையமைப்பில் இதுவரை வெளியான மூன்று பாடல்களும் ரசிகர்கள் மத்தியில் வரவேற்பை பெற்றுள்ள நிலையில், நான்காவது பாடலான 'அகலாதே' வெளியாகியுள்ளது.
அஜித்-வித்யா பாலன் இடையே காதல், செண்டிமென்ட், ரொமண்டிக் என பல்வேறு உணர்வுகளை பிரதிபலிக்கும் பாடலாக அகலாதே உருவாகியுள்ளது. அஜித்தும், பாலிவுட் நடிகை வித்யா பாலனும் முதன்முறையாக இணைந்து பணியாற்றுவது குறிப்பிடத்தக்கது.
