கன்னட திரையுலகின் பவர் ஸ்டாராக வலம் வந்தவர் புனித் ராஜ்குமார். பழம்பெரும் நடிகர் ராஜ்குமாரின் மகனான இவருக்கு கர்நாடகாவில் ஏராளமான ரசிகர்கள் உள்ளனர். புனித் ராஜ்குமார் மாரடைப்பு காரணமாக பெங்களூருவில் உள்ள விக்ரம் மருத்துவமனையில் அனுமதிக்கப்பட்டு சிகிச்சை பலனின்றி இன்று (அக்.29) உயிர்ழந்தார்.
இந்நிலையில் புனித் ராஜ்குமார் மறைவுக்கு திரையுலகை சேர்ந்த பிரபலங்கள் பலரும் இரங்கல் தெரிவித்து வருகின்றனர்.
நடிகர் நாசர்
என் மனதும் அறிவும்
நம்ப மறுக்கிறது...
உன் முகத்தில் எக்கணமும்
நிலைத்து நிற்கும் அகன்ற சிரிப்பு
எப்படி உறைந்து போனது
நான் உணர மறுக்கிறேன்
நீ எமைவிட்டு போனாய் என்று.
புனித்.... புனித்.... பூனீத்
நடிகர் விஷால்
என்னுடைய நல்ல நண்பர் புனித் ராஜ்குமார் காலமானார் என்பதை நம்ப முடியவில்லை. அவருடைய ஆத்மா சாந்தியடைய எனது ஆழ்ந்த அனுதாபங்களைத் தெரிவித்துக் கொள்கிறேன்.
நடிகர் தனுஷ்
புனித் என் நண்பன். இது மிகவும் மனவேதனை அளிக்கிறது. அவரது குடும்பத்தினருக்கும், நண்பர்களுக்கும், ரசிகர்களுக்கும் எனது ஆழ்ந்த அனுதாபங்கள்.
நடிகை குஷ்பு
அப்பு, உன்னால் எங்களை இப்படி நொறுக்கி விட்டுச் செல்ல முடிந்தது. இந்த செய்தியை என்னால் ஏற்றுக்கொள்ள முடியவில்லை. போகாதே அப்பு.. திரும்பி வா..
நடிகர் பிரித்திவிராஜ்
இது மிகவும் வலிக்கிறது. குடும்பத்தினர், நண்பர்கள், கோடிக்கணக்கான ரசிகர்களுக்கு இந்த சோகத்தைத் தாங்கும் சக்தி கிடைக்கட்டும்.
மலையாள நடிகர் நிவின் பாலி
புனித் மறைவு செய்திக் கேட்டு மிகுந்த வருத்தம் அடைந்தேன்.
இதையும் படிங்க: கன்னட பவர் ஸ்டார் புனித் ராஜ்குமார் உயிரிழப்பு - முதலமைச்சர்கள் இரங்கல்
