தமிழ் சினிமாவில் பிரபல காமெடி நடிகராக இருப்பவர் நடிகர் விவேக். இவர் ரசிகர்களால் ‘சின்ன கலைவாணர்’ என்று செல்லமாக அழைக்கப்பட்டு வருகிறார்.
இவர் நூற்றுக்கும் மேற்பட்ட தமிழ் படங்ளில் நடித்துள்ளார். ஹீரோவாக ஒரு சில படங்களில் நடித்துள்ளார். தற்போது நடிகர் விவேக் கதாநாயகனாக நடித்துள்ள படம் ‘வெள்ளைப்பூக்கள்’. இந்தப் படம் ஏப்ரல் மாதம் 19ஆம் தேதி வெளிவரவுள்ளது.
அமெரிக்காவில் கதை நடைபெறுவதாக உருவாக்கப்பட்டுள்ள இந்தப் படத்தில் அமெரிக்காவைச் சேர்ந்த தொழில்நுட்பக் கலைஞர்கள் பலர் இடம்பெற்றுள்ளார்கள். இந்தப் படத்தில் விவேக்குடன் இணைந்து சார்லி, பூஜா தேவரியா உட்பட பலர் முக்கியக் கதாபாத்திரங்களில் நடித்துள்ளார்கள். இந்தப் படத்தை விவேக் இளங்கோவன் இயக்கியுள்ளர்.
இந்நிலையில், இப்படத்தின் ட்ரெய்லரைதற்போது படக்குழு வெளியிட்டுள்ளது. இதில் விவேக் ஒய்வுபெற்ற காவல்துறை அதிகாரியாக தோன்றி அமெரிக்காவில் தனது மகனின் குடும்பத்தில் நடைபெற்ற ஒரு கொலை சம்பவத்தை விசாரணை செய்பவராக காண்பிக்கப்பட்டுள்ளது. இப்படத்தின் ட்ரெய்லர் பார்க்கும் போது க்ரைம் திரிலர் ஜானர் வகையாக இருக்கும் என எதிர்பார்க்கப்படுகிறது.
