தமிழ் சினிமாவில் முன்னணி நடிகர்களில் ஒருவராக வலம் வருபவர் தளபதி விஜய். குட்டீஸ் முதல் பெரியவர்கள் வரை என அனைத்து தரப்பினரையும் தனது ரசிகர்களாக விஜய் வைத்துள்ளார்.
விஜய்யின் படம் தமிழ்நாடு பாக்ஸ் ஆபீஸில் பல்வேறு சாதனைகளை படைத்துள்ளது. தற்போது தமிழ்நாட்டை தாண்டி கேரளா பாக்ஸ் ஆபீஸிலும் விஜய்யின் படம் முதல் நாள் வசூலில் பல சாதனையை படைத்துள்ளது.
கேரளாவில் முன்னணி நடிகர்களான மோகன்லால், மம்மூட்டி ஆகியோருக்கு அதிக ரசிகர்கள் உள்ளனர். இந்த நடிகர்களுக்கு பின் விஜய்க்கு அங்கு ரசிகர்கள் பட்டாளம் அதிகம். இவர்களையடுத்து திலிப், பிருத்விராஜ், நிவின் பாலி, துல்கர் சல்மான், ஃபகத் பாசில் உள்ளிட்டோர் அதிக ரசிகர்கள் பட்டாளத்தை வைத்துள்ளனர்.
கேரளா பாக்ஸ் ஆபிஸ் கலெக்ஷன் என்று வந்தால் விஜய் அங்கு போட்டிக்கு இருப்பார். அப்படி முதல் நாள் கலெக்ஷனில் முதல் ஐந்து இடங்களைப் பிடித்த மலையாளப் படங்களில் இரண்டு விஜய் நடித்தவை.
கேரளாவில் தமிழ் படங்கள் தமிழிலேயே வெளியாகும். மலையாளத்தில் டப் செய்யப்படுவதில்லை. இதுவரை கேரளாவில் முதல் நாள் வசூலில் சாதனைப் படைத்த முதல் ஐந்து படங்களின் பட்டியல் தற்போது வெளியாகியுள்ளது.
இதில் முதல் இரண்டு இடத்தில் மோகன்லால் நடிப்பில் வெளியான 'ஒடியன்', 'லூசிஃபர்' உள்ளது. மூன்றாவது நான்கவது இடத்தில் விஜய் நடிப்பில் வெளியான 'சர்கார்', 'மெர்சல்' உள்ளது. ஐந்தாவது இடத்தில் 'பாகுபலி 2' உள்ளது.
மலையாள திரையுலகில் முன்னணி நடிகர்கள் படங்களை தாண்டி விஜய்யின் படங்கள் முதல் நாள் வசூலில் சாதனை படைத்திருப்பதை அவரது ரசிகர்கள் கொண்டாடி வருகின்றனர்.
