பழம்பெரும் நடிகர், கவிஞர் அமரசிகாமணி (70) மாரடைப்பு காரணமாக இன்று காலை 4 மணிக்கு உயிரிழந்தார். அவரது மகன் பார்த்திபன் இத்தகவலை உறுதிப்படுத்தியுள்ளார்.
தமிழ் சின்னத்திரையில் பல்வேறு கதாபாத்திரங்களில் தோன்றியதன் மூலம் அறியப்படுபவர் அமரசிகாமணி. கடந்த சில ஆண்டுகளாக நடுக்குவாதம் காரணமாக அவதிப்பட்டு வந்தார். இந்நிலையில், நேற்றிரவு சின்னதாக மாரடைப்பு ஏற்பட்ட அவர், இன்று காலை 4 மணியளவில் உயிரிழந்தார்.
சின்னத்திரை பிரபலங்களும், திரைக்கலைஞர்களும் அவருக்கு இரங்கல் தெரிவித்து வருகின்றனர். மடிப்பாக்கத்தில் உள்ள இடுகாட்டில் அவருக்கு இறுதிச்சடங்கு நடைபெற்றது. அமரசிகாமணி தனது மனைவி சியாமளா தேவி, மூன்று மகன்கள், ஒரு மகளுடன் இருந்து வந்தார்.
