விக்கி கவுஷல், பூமி பெட்னேகர் நடிப்பில் உருவாகியுள்ள படம் பூட். பானு பிரதாப் சிங் இயக்கியுள்ள இப்படத்தை தர்மா புரொடக்ஷன் சார்பில் கரண் ஜோகர், அபூர்வா மேத்தா , சஷாங்க் கைதன் ஆகியோர் தயாரித்துள்ளனர். இந்த நிலையில் இப்படத்தின் ட்ரெய்லர் நாளை வெளியாகும் என்று கூறப்படுகிறது.
இதற்கிடையில் பூட் படத்தின் இரண்டு போஸ்டர்களைப் படத்தின் தயாரிப்பாளர் கரண் ஜோகர் தனது ட்விட்டர் பக்கத்தில் வெளியிட்டுள்ளர். முதல் போஸ்டரில், 'விக்கி கவுஷல் மீது பேய்களின் கைகள் அழுத்துவதும், அதிலிருந்து விக்கி தப்பிக்க முயற்சி செய்வதுபோல் உள்ளது.
மற்றொரு போஸ்டரில் விக்கி பேயிடம் சிக்கிக்கொண்டு டார்ச் அடித்து ஒரு பொம்மையை எடுக்க முயற்சி செய்வதுபோல் உள்ளது. இந்த இரண்டு போஸ்டர்களும் ரசிகர்களை வெகுவாகக் கவர்ந்துள்ளது. மேலும் அடுத்த மாதம் 21ஆம் வெளியாகும் இப்படம் மீது ரசிகர்களிடையே மிகுந்த எதிர்பார்ப்பு நிலவிவருகிறது.
இதையும் படிங்க: RRR படத்தில் அஜய் தேவ்கனுக்கு ஜோடியான ஸ்ரேயா சரண்?
