கரோனா தொற்று பரவாமல் இருப்பதற்கு, அரசு பல்வேறு விதமான நடவடிக்கைகளை மேற்கொண்டுவருகிறது. மேலும் திரைப் பிரபலங்களும் இந்தக் கரோனா தொற்றிலிருந்து பாதுகாப்பாக இருப்பது குறித்து, பல்வேறு ஆலோசனைகளையும், விழிப்புணர்வுகளையும் பொதுமக்களுக்கு வழங்கிவருகின்றனர்.
- " class="align-text-top noRightClick twitterSection" data="
">
இதற்கிடையில் வீட்டில் தங்களது நேரத்தை செலவிட்டு வரும் பிரபலங்கள் தங்களது அன்றாட நிகழ்வை சமூகவலைதளப்பக்கத்தில் பதிவிட்டு வருகின்றனர். அந்தவரிசையில், ஹாலிவுட் மருமகள் பிரியங்கா சோப்ரா தனது இன்ஸ்டாகிராம் பக்கத்தில் தனது வளர்ப்பு பிராணிகளான (நாய்கள்) ஜினோ ஜோனாஸ், டயானா சோப்ராவுடன் சூரிய ஒளியில் இருப்பது போன்ற புகைப்படத்தை பகிர்ந்துள்ளார். சூரிய ஒளியுடன் அரவணைப்பது சிறந்தது என்று பதிவிட்டுள்ளார்.
இந்தப் புகைப்படம் தற்போது சமூகவலைதளத்தில் ரசிகர்களும் நெட்டிசன்களாலும் அதிகம் பகிரப்பட்டு வருகிறது. இதற்கிடையில் பிரியங்கா சோப்ரா இணையத்தில் ஆண்பிரபலங்களை பின்னுக்குத் தள்ளி அதிகம் தேடப்பட்ட பெண் பிரபலமாக இருக்கிறார். பிரியங்கா சோப்ராவை தொடர்ந்து சன்னி லியோன், கத்ரீனா கைஃப்பும் அதிகம் தேடப்பட்ட நபர்களாக இருக்கிறார்.
அதுமட்டுமல்லாது பிரியங்கா சோப்ராவும், அவரது கணவர் நிக் ஜோனும் கரோனா நோயால் ஏற்பட்ட இழப்புகளை சமாளிக்க நிதியுதவியும் வழங்கி வருகின்றனர்.
