மும்பை: லூடோ படத்தில் பெண் கேரக்டரில் தோன்றும் நடிகர் ராஜ்குமார் ராவ், அந்த கேரக்டரின் புகைப்படத்தை வெளியிட்டுள்ளார்.
இந்தப் படத்தை அனுராக் பாசு இயக்குகிறார். டார்க் காமெடி பாணியில் உருவாகும் இந்தப் படத்தில் அபிஷேக் பச்சன், ராஜ்குமார் ராவ், ஆதித்யா ராய் கபூர், தங்கல் புகழ் ஃபாத்திமா சனா ஷேக், பங்கஜ் திரிபாதி உள்ளிட்ட பலர் நடிக்கிறார்கள். படத்தில் கேமியோ கேரக்டரில் ரன்பீர் கபூர் தோன்றுகிறார்.
இதையடுத்து தனது காதலியுடன் ஸ்விட்சர்லாந்தில் புத்தாண்டு கொண்டாட்டத்தில் இருக்கும் ராஜ்குமார் ராவ், படத்திலிருந்து தனது கேரக்டர் புகைப்படம் ஒன்றை வெளியிட்டு ரசிகர்களுக்கு புத்தாண்டு ட்ரீட் அளித்துள்ளார்.
இதில், முழுவதுமாக பெண் வேடத்தில் மாறியிருக்கும் ராஜ்குமார், அந்தப் புகைப்படத்தை பதிவிட்டு ‘ஹாப்பி நியூ இயர்’ எனக் குறிப்பிட்டுள்ளார்.
- " class="align-text-top noRightClick twitterSection" data="View this post on Instagram
Happy new year guys. #LUDO 🙏❤️@anuragbasuofficial @bhushankumar @tseries.official
">
இதைப்பார்த்து ஆச்சர்யம் அடைந்த ரசிகர்கள், நாங்கள் ஆலியா பட் என்று நினைத்தோம் என்று கமெண்ட் அடித்துள்ளனர். மேலும் சிலர் நடிகை கீர்த்தி சனோன் போல் இருப்பதாகக் குறிப்பிட்டுள்ளனர். இன்னும் சிலர் ராஜ்குமாரின் இந்த புதுவித லுக்கை பாராட்டியுள்ளனர்.
நட்சத்திர பட்டாளங்களுடன் உருவாகி வரும் லூடோ ஏப்ரல் 24ஆம் தேதி ரிலீஸாகவுள்ளது.
