லிங்குசாமி இயக்கத்தில் மாதவன், ஆர்யா, சமீரா ரெட்டி, அமலா பால் ஆகியோர் முன்னணி கதாபாத்திரங்களில் நடித்து வெளியான திரைப்படம் ‘வேட்டை’. 2012ஆம் ஆண்டு வெளியான இத்திரைப்படம் வணிக ரீதியாக நல்ல வரவேற்பைப் பெற்று வெற்றியடைந்தது. இந்நிலையில் புகழ்பெற்ற பாலிவுட் தயாரிப்பாளர் சஜித் நதியாத்வாலா இந்தப் படத்தை ரீமேக் செய்யவிருப்பதாகத் தகவல்கள் வெளியாகியுள்ளன.
‘பாகி 1’, ‘பாகி 2’ படத்தை தயாரித்த சஜித், ‘வேட்டை’ படத்தை ‘பாகி 3’ஆம் பாகமாக எடுக்க முடிவு செய்திருக்கிறாராம். இதில் ‘சாஹோ’ நாயகி ஷ்ரதா கபூர், டைகர் ஷெரோப், ரித்தேஷ் தேஷ்முக் ஆகியோர் நடிக்கவுள்ளனர். இது குறித்து அதிகாரப்பூர்வ அறிவிப்பு வெகுவிரைவில் வெளியாகும் என எதிர்பார்க்கப்படுகிறது.
