மோட்டோரோலாவின் புதிய கைபேசியான மோட்டோ ஜி9 இந்தியாவில் அறிமுகப்படுத்தப்பட்டுள்ளது. லெனோவாவுக்குச் சொந்தமான இந்நிறுவனத்தின் மோட்டோ ஜி ரக பட்டியலில் வெகு நாட்களுக்கு பிறகு இடம்பெறும் கைபேசி இது என்பது குறிப்பிடத்தக்கது.
இந்தியாவில் மோட்டோ ஜி 9 கைபேசியின் விலை 4 ஜிபி ரேம் + 64 ஜிபி சேமிப்பு திறனை கொண்டது ரூ.11,499 என்று விலை நிர்ணயம் செய்யப்பட்டுள்ளது. இது ஃபாரஸ்ட் பச்சை, சபையர் நீலம் ஆகிய இரண்டு தனித்துவமான வண்ண விருப்பங்களில் கிடைக்கும் என்று விளம்பரப்படுத்தப்பட்டுள்ளது.
இந்தியாவில் தயாராகும் புதிய ஐபோன் எஸ்இ; விலை குறையுமா?
மோட்டோ ஜி 9 கைபேசியின் சிறப்பம்ச விவரங்கள்:
- இரட்டை சிம் ஆதரவு (நானோ) கொண்ட மோட்டோ ஜி 9 ஸ்மார்ட்போன் ஆண்ட்ராய்டு 10 கொண்டு இயங்குகிறது
- 6.5 இன்ச் அளவிலான எச்டி + மேக்ஸ் விஷன் டிஎஃப்டி தொடுதிரை, 20: 9 என்கிற திரை விகிதம், 87 % ஸ்கிரீன்-டு-பாடி விகிதத்துடன் கொண்டுள்ளது.
- ஆக்டா கோர் குவால்காம் ஸ்னாப்டிராகன் 662 SoC, 4 ஜிபி எல்பிடிடிஆர் 4 ரேம் கொண்டுள்ளது.
- மூன்று பின் பக்க படக்கருவி அமைப்பில் 48 மெகாபிக்சல் முதன்மை சென்சாரைக் கொண்டுள்ளது, இது எஃப் / 1.7 லென்ஸைக் கொண்டுள்ளது, இது குவாட் பிக்சல் தொழில்நுட்பத்தை அடிப்படையாகக் கொண்டது. இதனுடன் எஃப் / 2.4 லென்ஸுடன் 2 மெகாபிக்சல் டெப்த் சென்சார் | எஃப் / 2.4 மேக்ரோ லென்ஸுடன் 2 மெகாபிக்சல் சென்சார் ஆகியவைகளும் உள்ளன.மோட்டோ ஜி9
- முன்பக்கத்தை படக்கருவியில் 8 மெகாபிக்சல் படக்கருவி சென்சார் உள்ளது. அது எஃப் / 2.2 லென்ஸுடன் வருகிறது
- 64 ஜிபி உள் சேமிப்புத் திறன் உள்ளது. இது மைக்ரோ எஸ்டி கார்டு வழியாக விரிவாக்கக்கூடியது (512 ஜிபி வரை).
- வைஃபை 802.11 ஏசி, ப்ளூடூத் வி 5.0, ஜிபிஎஸ் / ஏ-ஜிபிஎஸ், என்எப்சி, எஃப்எம் ரேடியோ, யூ.எஸ்.பி டைப்-சி மற்றும் 3.5 மிமீ ஹெட்ஜாக் ஆகிய இணைப்பு வசதிகள் உள்ளன.
- உணரிகளை பொறுத்தவரை, அக்செலெரோமீட்டர், கைரோஸ்கோப், ஆம்பியண்ட் லைட், ப்ராஸிமிட்டி சென்சார் ஆகியவை உள்ளது
- 5,000mAH மின்கல திறன் கொண்டுள்ளது
