சைபர் பாதுகாப்பை ஆராயும் நிறுவனமான ஜிகாப்ஸ் (ZecOps) இரண்டு ஆப்பிள் மின்னஞ்சல் பெட்டிகளிலுள்ள வைரஸுகளை கண்டறிந்துள்ளது. ஆப்பிள் நிறுவன தகவல் சாதனங்களுடன் வரும் மின்னஞ்சல் பெட்டியில் தான் இந்த வைரஸ் தொற்ற வாய்ப்புள்ளதாக ஆராய்ச்சி நிறுவனம் தெரிவித்துள்ளது. இது ஆப்பிள் நிறுவனத்தின் புதிய பதிப்புகளான இ-ஓஎஸ்13ன்றையும் (iOS 13) தாக்கவல்லது என எச்சரித்துள்ளனர்.
இதனால் ஹாக்கர்கள் மின்னஞ்சல்களை மாற்றியமைக்கவோ, நீக்கவோ, பொது வெளியில் உலாவ விடவோ முடியும் என அந்நிறுவனம் தெரிவித்துள்ளது. மேலும், சில தருணங்களில் பயனர்களின் ஐபோன், ஐபேட் ஆகியவற்றின் தகவல் சாதனங்களை முழுவதுமாக ஹாக்கர்களால் கையாள முடியும் என்று கூறியுள்ளது.
இதுவே ஒரு அதிர்ச்சி தரும் தகவலாக, இ-ஓஸ்13 என்ற தற்போதைய பதிப்பில், முந்தைய பதிப்பான ஐ-ஓஎஸ்12 விடவும் இலகுவாக தகவல்களை இந்த வைரஸ்களை கொண்டு ஹாக் செய்ய முடியும் என வல்லுநர்கள் தெரிவித்துள்ளனர்.
ஆப் ஸ்டோர், மியூசிக், ஆர்கேட் ஆகியவற்றை புதிய சந்தைகளுக்கு விரிவுபடுத்தியது ஆப்பிள்!
மேலும், இது தொடர்பாக தெளிவான தகவல்களை திரட்டிவருவதாகவும், அந்த தகவல்களின் மூலம் ஆப்பிள் நிறுவனம் தங்களின் புதிய பதிப்பில் சில பாதுகாப்பு வசதிகளை மேம்படுத்த முடியும் என்று தெரிகிறது.
