ராமநாதபுரம் வண்டிக்காரன் தெருவில் வசித்து வந்தவர் ஜெயராணி(40). இவருக்கும் சேதுபதி பாண்டியன்(47) என்பவருக்கும் 20 ஆண்டுகளுக்கு முன் திருமணம் நடைபெற்றது. இவர்களுக்கு குழந்தை இல்லாததால், ஏழு ஆண்டுகளுக்கு முன் சேதுபதி பாண்டியன் வேறொரு பெண்ணை திருமணம் செய்துகொண்டார். அந்த பெண்ணுக்கு 50 நாட்களுக்கு முன் குழந்தை பிறந்தது.
இந்நிலையில், ஜெயராணி பெயரில் உள்ள வீட்டை தன் பெயருக்கு மாற்றக்கோரி இரண்டாவது மனைவி அடிக்கடி வாக்குவாதம் செய்து வந்துள்ளார். வழக்கம்போல் ஜெயராணிக்கும், சேதுபதியின் இரண்டாவது மனைவிக்கும் இன்று காலை வாக்குவாதம் நடந்தபோது, மறைத்து வைத்திருந்த கத்தியால் ஜெயராணியை சேதுபதி குத்தியுள்ளார். இதில் படுகாயமடைந்த ஜெயராணி, மருத்துவமனை கொண்டுச் செல்லும் வழியில் பரிதாபமாக உயிரிழந்தார். இது குறித்து பஜார் போலீசார் வழக்குப் பதிவு செய்து சேதுபதி பாண்டியனை தேடி வருகின்றனர்.
அதேபோல், ராமநாதபுரம் கே.கே.நகர் பகுதியில் வசித்து வந்த முனீஸ்வரன் குடித்துவிட்டு வீட்டில் அடிக்கடி தகராறில் ஈடுபட்டு வந்துள்ளார். இது குறித்து அவரது சகோதரர் கலீல் குமார், முனீஸ்வரனிடம் பலமுறை எச்சரித்துள்ளார். இருந்தபோதும், நேற்று இரவு மீண்டும் குடிபோதையில் வீட்டில் பிரச்னை செய்துள்ளார் முனீஸ்வரன். பின்னர், அவர் தூங்கிக் கொண்டிருந்தபோது கலீல் குமார் கட்டையால் தலையில் அடித்துள்ளார். இதில் அவர் சம்பவ இடத்திலேயே உயிரிழந்தார். இது குறித்து வழக்குப் பதிவு செய்த போலீசார், கலீல் குமாரிடம் விசாரணை நடத்தி வருகின்றனர்.
இந்நிலையில், மூன்று நாட்களுக்கு முன் பரமக்குடி திரும்பிய காட்டுராஜா, இங்குள்ள சொத்துக்களை விற்று குவைத்தில் வசிக்க போவதாக கூறியதால், குடும்பத்தில் தகராறு ஏற்பட்டது. இதில் ஆத்திரமடைந்த மனைவி முத்துலெட்சுமி, அருகில் இருந்த மரக்கட்டையால் கணவரை தலையில் பலமாக தாக்கினார். இதில் மயக்கம் அடைந்த காட்டுராஜாவின் கை, கால்களை கட்டி அறையில் வைத்து பூட்டியுள்ளார் முத்துலெட்சுமி.
அதன்பின், பூட்டப்பட்ட அறையை குடும்பத்தினர் திறந்து பார்த்தபோது காட்டுராஜா இறந்ததை கண்டு அதிர்ச்சியடைந்தனர். தகவலறிந்து சம்பவ இடம் சென்ற எமனேஸ்வரம் போலீசார் காட்டுராஜாவின் உடலை கைப்பற்றி, வழக்குப் பதிவு செய்து முத்துலெட்சுமியை கைது செய்தனர்.
