சென்னை: சவுகார்பேட்டை கொலை வழக்கில் சம்பந்தபட்ட ஆறு பேரையும் குண்டர் சட்டத்தின் கீழ் காவல் துறையினர் வழக்குப்பதிவு செய்து சிறையில் அடைத்துள்ளனர்.
சவுகார்பேட்டையில் தலில் சந்த், அவரது மனைவி புஷ்பா பாய், மகன் ஷீத்தல் ஆகியோர் சுட்டுக் கொலை செய்யப்பட்டனர்.
இந்த வழக்கில் குடும்ப தகராறு காரணமாக ஷீத்தலின் மனைவி ஜெயமாலா, அவரது சகோதர்களான விலாஷ், கைலாஷ், ராஜீவ் ஷிண்டே, விஜய் உத்தம், ரவீந்திர நாத்கர் ஆகியோர் துப்பாக்கியால் சுட்டுக் கொலை செய்துவிட்டு தப்பியோடியது தெரியவந்தது.
இதனையடுத்து 6 பேரையும் டெல்லி, புனே உள்ளிட்ட பகுதிகளில் வைத்து தனிப்படை காவல் துறையினர் கைதுசெய்தனர். மேலும் துப்பாக்கி கொடுத்து உதவியதாக ஓய்வு பெற்ற ராணுவ வீரர் ராஜீவ் துபே என்பவரும் கைது செய்யப்பட்டார்.
பின்னர் 6 பேரும் நீதிமன்றத்தில் முன்னிறுத்தப்பட்டு சிறையிலடைக்கப்பட்டனர். இந்த வேளையில் கைதான 6 பேரையும் குண்டர் சட்டத்தின் கீழ் சிறையில் அடைக்க காவல் ஆணையர் உத்தரவிட்டுள்ளார்.
