ஒட்டவா (கனடா): கனடாவின் ஒன்டாரியோ மாகாணத்தில் உள்ள மிசிசாகா நகரில் சனிக்கிழமை இரவு இளம் பெண்னை மர்ம ஒருவர் சுட்டுக் கொன்றார். பீல்ஸ் பிராந்திய காவல்துறை ஞாயிற்றுக்கிழமை வெளியிட்ட செய்திக்குறிப்பின்படி, பலியானவர் பிராம்ப்டனில் வசித்து வந்த சீக்கிய பெண்ணான பவன்ப்ரீத் கவுர் (21) என அடையாளம் காணப்பட்டுள்ளார்.
கனடா செய்திதாளின் படி, பவன்ப்ரீத் கவுர் ஒரு எரிவாயு நிலையத்திற்கு வெளியே சுட்டு கொலை செய்யப்பட்டுள்ளார். இரவு 10:39 மணியளவில் ஒரு பெண் மீது துப்பாக்கிச் சூடு நடத்தப்பட்டதாக காவல்துறைக்கு தகவல் கிடைத்ததும், சம்பவ இடத்திற்குச் சென்ற போலீசார் காயமடைந்த பெண்ணின் உயிரைக் காப்பாற்ற முயன்றனர். ஆனால் காயமடைந்த பெண் சிகிச்சை பலனின்றி உயிரிழந்தார்.
இளம் பெண்னை கொலை செய்த மர்ம நபர் இன்னும் அடையாளம் காணப்படவில்லை. கறுப்பு உடை மற்றும் கையுறை அணிந்திருந்த கொலையாளியை தேடும் பணி நடைபெற்று வருவதாக கூறப்படுகிறது. போலீசார் விசாரணையில் இளம் பெண்ணை கொலை செய்த நபர் மூன்று மணி நேரத்திற்கு முன் அந்த வழியாக நடந்து சென்றதை போலீசார் கண்டறிந்துள்ளனர். இதனால் இந்த கொலை திட்டமிட்டு நடத்தப்பட்டதாக இருக்கலாம் என போலீசார் கருதுகின்றனர்.
இதையும் படிங்க: பஞ்சாப்பில் சீக்கிய குருத்வாரா சாஹிப்பை அவமதித்தாக இளைஞர் கைது
