இஸ்லாமாபாத்: ஆப்கானிஸ்தான் நாட்டில் ஹெராட் பகுதியில் இரண்டு முறை 6.3 என்ற ரிக்டர் அளவில் சக்தி வாய்ந்த நிலநடுக்கம் ஏற்பட்டதாக கூறப்பட்டு உள்ளது. இந்த நிலநடுக்கத்தால் குறைந்தது 15 நபர்கள் வரை உயிரிழந்திருக்கக் கூடும் எனவும், 40 மேற்பட்டோர் படுகாயமடைந்து இருக்க வாய்ப்புள்ளது என்றும் ஆப்கானிஸ்தானை சேர்ந்த தேசிய பேரிடர் ஆணைய அதிகாரி முகமது அப்துல்லா ஜான் கூறியுள்ளார்.
ஹெராட் பகுதியில் வசித்து வரும் அப்துல் சகோர் சமாதி, இன்று மதிய வேளையில் குறைந்தது 5 முறை சக்திவாய்ந்த நிலநடுக்கம் ஏற்பட்டது என கூறியுள்ளார். அமெரிக்க புவியியல் ஆய்வு நிறுவனத்தின் அறிக்கையின் படி, "இன்று மேற்கு ஆப்கானிஸ்தானில் 6.3 என்ற ரிக்டர் அளவுகோளில் நிலநடுக்கம் ஏற்பட்டுள்ளது.
40 கிலோ மீட்டர் தொலைவில் மையம் கொண்டு ஹெராத் பகுதியின் வடமேற்கில் நிலநடுக்கம் ஏற்பட்டதாக தெரிவிக்கப்பட்டு உள்ளது. இதனை தொடர்ந்து 5.5 என்ற அளவில் மேலும் ஒரு நிலநடுக்கம் ஏற்பட்டதாக கூறப்பட்டுள்ளது. அமெரிக்க புவியியல் ஆய்வு நிறுவனத்தின் வரைபடத்தின் படி, இந்த பகுதியில் 7 நிலநடுக்கம் ஏற்பட்டுள்ளது.
அதன்படி வடக்கு - வடமேற்கு பகுதியில் 6.3 என்ற ரிக்டர் அளவுகோளில் நிலநடுக்கம் ஏற்பட்டுள்ளது. பின் 6.3 என்ற அளவுகோளிலும் நிலநடுக்கம் ஏற்பட்டுள்ளது. சிந்தா ஜான் என்ற பகுதியின் வடக்கு - வடகிழக்கு திசையில் 6.3 என்ற அளவுகோளில் நிலநடுக்கம் ஏற்பட்டுள்ளது. பின் சிந்தா ஜான் பகுதியின் வடக்கு - வடகிழக்கு பகுதியிலும் நிலநடுக்கம் ஏற்பட்டுள்ளது.
ஹெராட் பகுதியில் வசிக்கும் சமாதி "நிலநடுக்கத்தின் போது பொதுமக்கள் அனைவரும் தங்கள் வீடுகளில் இருந்து வெளியே வந்தனர். கடைகள் மற்றும் அலுவலகங்கள் காலியாக இருந்த நிலையில், மீண்டும் நிலநடுக்கம் ஏற்படுமோ என்ற பீதியில் பொதுமக்கள் இருந்தனர். நானும் எனது குடும்பத்தினரும் வீட்டில் இருந்தோம். நாங்கள் நிலநடுக்கத்தை உணர்ந்தவுடன் கத்தி கூச்சலிட்டு வீட்டை விட்டு வெளியே வந்தோம்” என கூறினார்.
தலிபான் அரசிடமிருந்து நிலநடுக்கத்தில் ஏற்பட்ட சேதம் குறித்து எந்த தகவலும் வரவில்லை. உள்ளூர் ஊடகத்தின் தகவலின் படி, தொலைபேசி இணைப்புகள் துண்டிக்கப்பட்டுள்ளதால் நிலநடுக்கம் ஏற்பட்ட பகுதிகளில் மீட்புப்பணிகள் கடினமாக இருப்பதாகவும், சமூக வலைதளங்களில் வெளியான வீடியோவில் நூற்றுக்கணக்கான மக்கள் தெருக்களில் உள்ளதாகவும், ஃபரா மற்றும் பத்கிஸ் பகுதிகளிலும் நிலநடுக்கம் உணரப்பட்டதாக” கூறப்பட்டுள்ளது.
கடந்த வருடம் ஜூன் மாதம் கிழக்கு ஆப்கானிஸ்தானில் சக்திவாய்ந்த நிலநடுக்கம் ஏற்பட்டது. இது ஆப்கானிஸ்தானில் கடந்த 20 வருடங்களில் ஏற்பட்ட சக்தி வாய்ந்த நிலநடுக்கமாகும். கடந்த வருடம் ஏற்பட்ட நிலநடுக்கத்தில் 1000 பேர் உயிரிழந்த நிலையில், 1500 படுகாயமடைந்தனர்.
இதையும் படிங்க: இஸ்ரேல் மீது ராக்கெட் தாக்குதல்! போருக்கு தயாராகும் இஸ்ரேல்! மீண்டும் ஒரு போர்?
