கொழும்பு: இலங்கையில் நடைபெற்ற அரசியல் நெருக்கடி காரணமாக அதிபராக இருந்த கோத்தபய ராஜபக்ச நாட்டைவிட்டு வெளியேறி, தனது பதவியை ராஜினாமா செய்தார். பிரதமர் ரணில் விக்ரமசிங்கே இடைக்கால அதிபராக சில நாள்கள் செயல்பட்டு வந்தார்.
தொடர்ந்து, ஜூலை 20ஆம் தேதி நடைபெற்ற அதிபர் தேர்தலில் பிரதமர் ரணில் விக்ரமசிங்கே அந்நாட்டின் 8ஆவது அதிபராக தேர்வுசெய்யப்பட்டார். இந்நிலையில், மூத்த அரசியல் தலைவர் தினேஷ் குணவர்தனே 15ஆவது பிரதமராக இன்று (ஜூலை 22) தேர்வுசெய்யப்பட்டுள்ளார்.
73 வயதான குணவர்தனே வெளியுறவுத்துறை அமைச்சராகவும், கல்வித்துறை அமைச்சராகவும் முன்னர் பொறுப்பு வகித்துள்ளார். மேலும், அப்போதைய அதிபர் கோத்தபய ராஜபக்சவால் கடந்த ஏப்ரல் மாதம் உள்துறை அமைச்சராக நியமிக்கப்பட்டது குறிப்பிடத்தக்கது.
இதையும் படிங்க: இலங்கையின் புதிய அதிபராக ரணில் விக்கிரமசிங்கே பதவியேற்பு
