சீனா, தென்கொரியா, ஈரான், இத்தாலி, இந்தியா, அமெரிக்கா உள்ளிட்ட நாடுகளில் கொவிட்-19 (கொரோனா) வைரஸ் என்ற வேகமாகப் பரவிவருகிறது. இந்தச் சூழலில், இந்த வைரஸ் காரணமாக ஈரானில் புதிதாக 21 பேர் உயிரிழந்தனர். இதன் மூலம், அந்நாட்டில் பலி எண்ணிக்கை 145ஆக அதிகரித்துள்ளது.
மேலும், வைரஸ் தாக்குதலுக்கு உள்ளானோரின் எண்ணிக்கை ஐந்தாயிரத்து 823ஆக உயர்ந்துள்ளது. இதுதவிர, கொவிட்-19 வைரஸ் அறிகுறிகளுடன் 16 ஆயிரத்துக்கும் மேற்பட்டோர் மருத்துவமனைகளில் அனுமதிக்கப்பட்டுள்ளதாகவும், வைரஸால் பாதிக்கப்பட்ட ஆயிரத்து 669 நோயாளிகள் குணமடைந்து வீடு திரும்பியுள்ளதாகவும், ஈரான் சுகாதாரத் துறை செய்தித்தொடர்பாளர் கியாநௌஷ் ஜஹான்பூர் தெரிவித்தார்.
இதற்கிடையே, அந்நாட்டு நாடாளுமன்றத்துக்குப் புதிதாகத் தேர்ந்தெடுக்கப்பட்ட ஃபாராமா ராப்பார் (55) என்ற எம்.பி. கொவிட்-19 பாதிப்பால் காலாமானார். இது அவரது தொண்டர்கள் இடையே பெரும் சோதகத்தை ஏற்படுத்தியுள்ளது.
சீனாவின் ஹூபே மாகாணத்தில் உள்ள வூஹான் நகரில் தோன்றியதாகக் கூறப்படும் கொவிட்-19 வைரஸ், தற்போது பல்வேறு நாடுகளில் பரவிவருகிறது. இதன் காரணமாக, உலகளவில் இதுவரை 3,500-க்கும் மேற்பட்டோர் உயிரிழந்துள்ளனர்.
இதையும் படிங்க : தமிழ்நாட்டிற்குள்ளும் நுழைந்த கொடூர கொரோனா!
