சீனாவின் வுஹான் நகரில் கடந்த ஆண்டு டிசம்பர் மாதம் பரவத் தொடங்கிய கரோனா வைரஸ் தற்போது உலகெங்கிலும் பரவி மானிடத்தை அச்சுறுத்தி வருகிறது.
குறிப்பாக, இத்தாலி, பிரான்ஸ், ஸ்பெயின் உள்ளிட்ட ஐரோப்பிய நாடுகளில், நாளுக்கு நாள் கோவிட்-19 பாதிப்புக்கு ஆளானவர்களின் எண்ணிக்கையும், உயிரிழப்புக்களும் மளமளவென அதிகரித்து வருகின்றன.
இந்நிலையில், ஐரோப்பியக் கண்டத்தில் கோவிட்-19 நோயால் பாதிக்கப்பட்டு உயிரிழந்தவர்களின் எண்ணிக்கை நேற்று (ஏப்ரல் 16) 90 ஆயிரத்தை கடந்து 90 ஆயிரத்து 180ஆக உயர்ந்துள்ளது. அதேபோல், அக்கண்டத்தில் கோவிட்-19ஆல் பாதிக்கப்பட்டவர்களின் எண்ணிக்கை 10 லட்சத்து 47 ஆயிரத்து 279ஆக உள்ளது.
உலகளவில் கோவிட்-19 நோயால் இதுவரை ஒரு லட்சத்து 37 ஆயிரத்து 499 பேர் உயிரிழந்துள்ளனர் என்பது குறிப்பிடத்தக்கது. மற்ற நாடுகளைப் போன்று கோவிட்-19 பரவலைக் கட்டுப்படுத்த இந்தியா மே 3ஆம் தேதிவரை ஊரடங்கை அமல்படுத்தியுள்ளது.
இதையும் படிங்க : பெருந்தொற்றை எதிர்த்து நியூசிலாந்து செய்து காட்டிய திறன் வாய்ந்த ஆற்றல்!
