ஆப்கானிஸ்தான் தலைநகர் காபூலின் மையத்தில் அமைந்துள்ளது, அந்நாட்டின் தேசியப் பாதுகாப்பு ஆணையம். இந்த அலுவலகத்துக்கு அருகே காலை சரியாக 10:10 மணிக்கு கார் ஒன்று பயங்கர சத்தத்தோடு வெடித்தது.
இதில், ஏராளமானோர் கொல்லப்பட்டனர். இந்த வெடிகுண்டு தாக்குதலுக்குப் பொறுப்பேற்றுக்கொண்ட தலிபான் பயங்கரவாதிகள், அந்நியப் படையினர் வாகனங்களை குறிவைத்தே இந்தத் தாக்குதலை நடத்தியாகத் தெரிவித்தனர்.
ஆப்கானிஸ்தானில் 18 ஆண்டுகளாக நடைபெற்று வந்த உள்நாட்டுப் போரை முடிவுக்குக் கொண்டுவருவது மற்றும் அந்நாட்டில் முகாமிட்டுள்ள அமெரிக்கப் படையினரைத் திரும்பப் பெறுவது தொடர்பாக அமெரிக்கா - தலிபான் இடையே கடந்த திங்கட்கிழமை அமைதி ஒப்பந்தம் கையெழுத்தானது. இந்நிலையில், இந்தத் தாக்குதலானது அரங்கேறியுள்ளது.
