ரஷ்யாவின் எதிர்க்கட்சித் தலைவர் அலெக்ஸி நவல்னிக்கு நேற்று (ஆக. 21) திடீர் உடல்நலக்குறைவு ஏற்பட்டதன் காரணமாக மருத்துவமனையில் அனுமதிக்கப்பட்டார். அந்நாட்டின் சைபிரியா பகுதியிலிருந்து மாஸ்கோவுக்கு விமானம் வந்து கொண்டிருந்தபோது அவருக்கு திடீர் உடல்நலக்குறைவு ஏற்பட்டது. இதையடுத்து, விமானம் அவசர அவசரமாக தரையிறக்கப்பட்டு, அவர் மருத்துவமனையில் சேர்க்கப்பட்டார்.
இந்நிலையில், அவருக்கு தற்போது தீவிர சிகிச்சை அளிக்கப்பட்டு வருகிறது. அவர் கோமா நிலையில் உள்ளதாகவும், ஐ.சி.யுவில் உள்ள அவரை மருத்துவர்கள் தீவிரமாகக் கண்காணித்து வருவதாகவும் மருத்துவமனை நிர்வாகம் தெரிவித்துள்ளது.
அதிபர் விளாதிமிர் புதினை தீவிரமாக விமர்சித்து வரும் அலெக்ஸிக்கு, இவ்வாறு திடீர் உடல்நலக்குறைவு ஏற்பட்டது அந்நாட்டில் பரபரப்பை ஏற்படுத்தியுள்ளது. மேலும், ரஷ்யாவின் எதிர்க்கட்சித் தலைவரான அவருக்கு விஷம் கொடுக்கப்பட்டாதாக தகவல்கள் வெளியாகின.
ஆனால் இந்தத் தகவலை அவருக்கு சிகிச்சை அளித்து வரும் மருத்துவர்கள் மறுத்துள்ளனர். விஷம் அருந்தியதற்கான எந்த தடையமும் அவரது உடலில் இல்லை என்றும் மருத்துவமனை சார்பில் தெரிவிக்கப்பட்டுள்ளது.
இதையும் படிங்க: ஸ்புட்னிக் - வி உற்பத்தியில் இந்தியாவை நாடும் ரஷ்யா!
