இன சமத்துவத்திற்கு ஆதரவு - சுந்தர் பிச்சை

கூகுள், யூ-ட்யூப் தளங்கள் தங்களது முகப்புப் பக்கங்களில் கறுப்பு ரிப்பன்களை இணைத்து ஜார்ஜ் ஃபிளாய்டின் இறப்புக்கு நீதி கோரி நடைபெறும் போராட்டங்களுக்கு ஆதரவு அளித்துள்ளன.

அமெரிக்காவின் மினியாபோலிஸ் நகரில் உள்ள சிறிய மளிகைக்கடை ஒன்றில் ஜார்ஜ் ஃபிளாய்ட் என்ற கறுப்பினத்தவர் சில நாள்களுக்கு முன்பு பொருள்கள் வாங்கிவிட்டு கடைக்காரரிடம் பணம் கொடுத்துள்ளார். அதனைப் பார்த்து கள்ளநோட்டாக இருக்குமோ என்று சந்தேகமடைந்த கடைக்காரர், காவல் துறையினரிடம் புகார் அளித்துள்ளார்.

தொடர்ந்து சம்பவ இடத்துக்கு வந்த காவல் துறையினர், கடுமையான முறையில் ஜார்ஜ் ஃபிளாய்டிடம் விசாரணை மேற்கொண்டனர். இதில், டெரீக் சவ்வின் என்ற காவலர் ஜார்க் ஃபிளாய்டை சாலையில் படுக்க வைத்து, அவரின் கழுத்தில் முட்டியைவைத்து வெகு நேரம் அழுத்தவே, மூச்சுவிட முடியாமல் அவர் சம்பவ இடத்திலேயே உயிரிழந்தார்.

இந்தச் சம்பவம் தொடர்பான காணொலி சமூக வலைதளங்களில் வேகமாகப் பரவி, பல தரப்பினர் மத்தியிலும் கடும் கொந்தளிப்பை ஏற்படுத்திவருகிறது. இனவாதத்துக்கு எதிராகவும், சம்பந்தப்பட்ட காவல் துறையினர் மீது உரிய நடவடிக்கை எடுக்க வேண்டும் என வலியுறுத்தியும் அமெரிக்கா தொடங்கி, உலகின் பல்வேறு இடங்களிலும் போராட்டங்கள் தற்போது வெடித்துள்ளன.

இந்நிலையில், நேற்றைய தினம், கூகுள், யூ-ட்யூப் ஆகிய தளங்கள் தங்களது முகப்புப் பக்கங்களில் கறுப்பு ரிப்பன்களை இணைத்து ஜார்ஜ் ஃபிளாய்டின் இறப்புக்கு நீதிகோரி நடைபெறும் போராட்டங்களுக்கு ஆதரவளித்தன.

மேலும், ”இன சமத்துவத்திற்கும், அது தொடர்பான தகவல்களைத் தேடுவோருக்கும் தங்களது ஆதரவைத் தெரிவிக்கிறோம்” எனத் தேடுபொறியான கூகுள் தனது முகப்புப் பக்கத்தில் செய்தி வெளியிட்டிருந்தது. மேலும் கூகுளுக்குச் சொந்தமான யூ-ட்யூபின் அமெரிக்கத் தளத்திலும் இந்தச் செய்தி பகிரப்பட்டிருந்தது.

இது குறித்து அல்ஃபாபெட், கூகுள் நிறுவனங்களின் தலைமைச் செயல் அலுவலர் சுந்தர் பிச்சை, ”இன்று எங்கள் முகப்புப் பக்கங்களில், இன சமத்துவத்தை வலியுறுத்தி, கறுப்பின மக்களுக்குத் துணை நின்று, ஜார்ஜ் ஃபிளாய்ட், ப்ரெயொனா டெய்லர், அகமது ஆர்பெரி உள்ளிட்டோருக்கு ஆதரவு தெரிவித்துள்ளோம்” என ட்வீட் செய்துள்ளார்.

• Today on US Google & YouTube homepages we share our support for racial equality in solidarity with the Black community and in memory of George Floyd, Breonna Taylor, Ahmaud Arbery & others who don’t have a voice. For those feeling grief, anger, sadness & fear, you are not alone. pic.twitter.com/JbPCG3wfQW

  — Sundar Pichai (@sundarpichai) May 31, 2020 " class="align-text-top noRightClick twitterSection" data="

  Today on US Google & YouTube homepages we share our support for racial equality in solidarity with the Black community and in memory of George Floyd, Breonna Taylor, Ahmaud Arbery & others who don’t have a voice. For those feeling grief, anger, sadness & fear, you are not alone. pic.twitter.com/JbPCG3wfQW

  — Sundar Pichai (@sundarpichai) May 31, 2020

  ">

  Today on US Google & YouTube homepages we share our support for racial equality in solidarity with the Black community and in memory of George Floyd, Breonna Taylor, Ahmaud Arbery & others who don’t have a voice. For those feeling grief, anger, sadness & fear, you are not alone. pic.twitter.com/JbPCG3wfQW

  — Sundar Pichai (@sundarpichai) May 31, 2020

மேலும், கோபம், இயலாமை, கவலை, பயம் சூழ்ந்துள்ளவர்களுக்கு நம்பிக்கையூட்டும்விதமாக, 'நீங்கள் யாரும் தனியாக இல்லை, எங்கள் ஆதரவு எப்போதும் உங்களுக்கு உண்டு' எனவும் அவர் குறிப்பிட்டுள்ளார்.

இதையும் படிங்க : ஜார்ஜ் ஃப்ளாய்ட் மரணம்: இன்னும் எத்தனை பேரைதான் கொலை செய்வீர்கள்?