மூன்று லட்சத்திற்கும் அதிகமான மக்களை பலிகொண்ட கரோனா வைரஸை கட்டுப்படுத்துவது தொடர்பாக உலக நாடுகள் பல ஒன்றிணைந்து ஆராய்ச்சி மேற்கொண்டுவருகின்றன. இந்நிலையில் வெர்ஜீனிய பல்கலைகழகத்தின் இதய மருத்துவரும், நிர்வாக இயக்குநர்களில் ஒருவருமான வில்லியம் பிராடி கரோனா வைரஸ் தொற்றின் தாக்குதல் குறித்து ஆய்வுக் கட்டுரை ஒன்றை வெளியிட்டுள்ளார். கரோனா வைரஸால் பாதிக்கப்பட்டவர்களுக்கு இதய செயல்பாடுகளில் ஏற்படும் மாற்றங்கள் குறித்து இந்த ஆய்வுக் கட்டுரை தயார் செய்யப்பட்டதாகவும் அவர் குறிப்பிட்டுள்ளார்.
கரோனா வைரஸால் பாதிக்கப்பட்டோர் பெரும்பாலும் சுவாசப் பிரச்னைகளால் பாதிக்கப்படுவதால் இவர்களுக்கு இதய செயல்பாடுகளில் ஏதேனும் மாற்றங்கள் நிகழ்கின்றனவா என்பதை அறிய முற்பட்டதாக தெரிவித்தார்.
இதயைடுத்து, சுகாதார வழிகாட்டுதல்களின்படி, கரோனாவால் பாதிக்கப்பட்டவர்களின் இதய செயல்பாடுகளை ஆராய்ந்தபோது, பாதிப்பிற்குள்ளானவர்களில் 24 விழுக்காட்டினர் இதய நோய்களால் பாதிக்கப்பட்டுள்ளது தெரியவந்துள்ளது. கரோனாவால் பாதிக்கப்பட்ட பலரும் சுவாசப் பிரச்னைகள் குறித்து மருத்துவர்களிடம் தெரிவிக்கின்றனரே தவிர இதய செயல்பாடுகள் குறித்து தெரிவிப்பதில்லை. இதனால், பெரும்பாலானோர் உயிரிழக்கவும், இதய குறைபாடுகளால் பாதிப்பிற்குள்ளாவதாகவும் தெரிவித்தார்.
அவருடைய ஆய்வுக் கட்டுரையில், அவசரத் தேவைகளுக்கான மருத்துவர்களை நியமிப்பதன் மூலமும், பரவி வரும் புதிய நோய்க்கிருமி குறித்த விழிப்புணர்வை ஏற்படுத்துவதன் மூலமும், இதய நோய்களை கட்டுப்படுத்துவதில் நல்ல முன்னேற்றம் ஏற்பட வாய்ப்புள்ளதாகவும், கரோனா வைரஸால் பாதிக்கப்பட்டவர்களின் உடல்நிலை மற்றும் இதய செயல்பாடுகளை தொடர்ந்து கண்காணிக்க வேண்டும் எனவும் அவர் தெரிவித்தார்.
பாதிக்கப்பட்டவர்களுக்கு நோயின் தாக்கம் குறித்து விழிப்புணர்வு அளிக்க வேண்டும் எனக் குறிப்பிட்டுள்ள அவர், இதன் தாக்கம் நாளுக்கு நாள் அதிகரிக்கவில்லை என்றாலும், வாரத்திற்கு ஒருமுறையாவது அதிகரிக்கக்கூடும் எனத்தெரிவித்தார்.
கரோனாவும் இதய செயலிழப்பும்
புதிய ஆராய்ச்சிகளின்படி, கரோனா வைரஸால் பாதிக்கப்பட்டதாக கண்டறியப்பட்ட 24 விழுக்காட்டினர் இதய செயலிழப்பு பாதிப்பிற்கு உள்ளாகின்றனர். இருப்பினும், இவர்கள் கரோனா வைரஸினால் இதய பாதிப்புகளுக்கு உள்ளாகின்றனரா அல்லது கரோனா வைரஸ் அவர்களின் இதய பாதிப்பினை அதிகரிக்கிறதா என்பது குறித்து இதுவரை கண்டறியப்படவில்லை எனவும் கூறியுள்ளார்.
பக்கவாதம் மற்றும் பிற காரணிகள்
கரோனா வைரஸோ அல்லது பிற காரணிகளோ, உடலில் அழற்சியை ஏற்படுத்தி கொழுப்பு கட்டிகள் உண்டாகும் வாய்ப்பு அதிகரித்துவருவதாகவும், இது மாரடைப்பு, பக்கவாதம் போன்ற பாதிப்புகளை உருவாக்கிவருவதாகவும் தெரிவித்தார்.
இறுதியாக கரோனா வைரஸால் பாதிக்கப்பட்டவர்களுக்கு மலேரியா எதிர்ப்பு மருந்தான ஹைட்ராக்ஸி குளோரோகுயின் அளிக்கப்பட்டுவருவதையடுத்து, அவர்களின் இதய துடிப்புகளை சீராக்க உதவுவதாகவும், கரோனா பாதிக்கப்பட்டவர்களுக்கு அளிக்கப்பட்டுவரும் ரெம்டெசிவிர் மருந்தானது அமெரிக்காவின் உணவு மற்றும் மருந்து நிர்வாகத்தால் மட்டுமே அங்கீகரிக்கப்பட்டுள்ளது. அவை அசாதாரண இதயத் துடிப்பையும், ரத்த அழுத்தத்தையும் ஏற்படுத்த வாய்ப்புள்ளதாகவும் தெரிவித்தார்.
கரோனாவால் பாதிக்கப்பட்டவர்களுக்கு சிகிச்சையளிக்கும்போது மருத்துவர்கள் இவை அனைத்தையும் அறிந்துகொள்வது அவசியம் என்றும், இந்த வைரஸ் பாதிப்பு குறித்து மருத்துவர்கள் அனைத்துவகையிலும் தெரிவுப்படுத்திக்கொள்வது அவசியம் எனவும் அவர் தெரிவித்தார்.
இதையும் படிங்க: வைரஸ் ஒரு உயிரி ஆயுதமாக மாறினால்...
