உலக நாடுகளை மிரட்டும் கரோனா வைரசால் தினந்தோறும் ஆயிரக்கணக்கான மக்கள் பாதிக்கப்பட்டு வருகின்றனர். பல வளர்ந்த நாடுகளும் கரோனா தாக்கத்தைக் கட்டுப்படுத்த முடியாமல் திணறி வருகின்றன.
இதுவரை உலகளவில் 64 லட்சத்து 74 ஆயிரத்து 75 பேர் கரோனாவால் பாதிக்கப்பட்டுள்ளனர். உயிரிழந்தோரின் எண்ணிக்கை 3 லட்சத்து 81 ஆயிரத்து 718ஆக அதிகரித்துள்ளது. வைரசிலிருந்து குணமடைந்தவர்களின் எண்ணிக்கை 30 லட்சத்து 66 ஆயிரத்து 835ஆக உயர்ந்துள்ளது.
நேற்று ஒரே நாளில் மட்டும் ஒரு லட்சத்திற்கும் அதிகமானோர் கரோனாவால் பாதிக்கப்பட்டுள்ளனர். 4 ஆயிரத்திற்கும் மேற்பட்டோர் உயிரிழந்துள்ளதுள்ளனர். மூன்று மாதங்களாகியும் வைரசின் வீரியம் குறையாதது மக்கள் மத்தியில் அச்சத்தை ஏற்படுத்தியுள்ளது.
