சென்னை: தமிழ் சினிமாவில் முன்னணி காமெடி நடிகரில் ஒருவர், யோகிபாபு. நகைச்சுவை நடிகராகவும், கதாநாயகனாகவும் பல படங்களில் நடித்து வருபவர். கடந்த 2020ஆம் ஆண்டு பார்கவி என்ற பெண்ணுடன் யோகி பாபுவிற்கு திருமணம் நடைபெற்றது. கரோனா காலம் என்பதால், எளிய முறையில் திருமணம் நடைபெற்றது. இந்த தம்பதியினருக்கு ஒரு மகனும், ஒரு மகளும் உள்ளனர்.
இந்நிலையில், மகளின் முதல் பிறந்தநாளை நேற்று முன்தினம் (அக்.24) வெகு சிறப்பாக யோகிபாபு கொண்டாடினர். தமிழ் சினிமாவில் உள்ள ஏராளமான நடிகர், நடிகைகள் கலந்து கொண்டு குழந்தையை வாழ்த்தினர். இந்நிலையில், விஷால் யோகிபாபு மகளின் பிறந்த நாளை ஒட்டி, அந்த குழந்தையின் பெயரில் ஆதரவற்ற முதியோர்கள் மற்றும் குழந்தைகள் இல்லத்தில் உணவளித்து, அவர்களின் வாழ்த்து செய்தியுடன் யோகிபாபு குடும்பத்தாரை நேரில் சந்தித்து வாழ்த்து கூறினார்.
இதையும் படிங்க:விரைவில் 2,000க்கும் அதிகமான ஆசிரியர் பணியிடங்கள்.. அமைச்சர் அன்பில் மகேஷ் தகவல்!
