சென்னை: இன்றைய அவசர கால உலகில் பணம் தான் பிரதானம் என்பதை அழுது வடியாமல் நகைச்சுவை கலந்து சொல்லியுள்ள படம் தான், கார்த்திக் ஸ்ரீனிவாசன் இயக்கியுள்ள உடன்பால் திரைப்படம் ஆகும். இப்படத்தில் லிங்கா, அபர்ணதி, விவேக் பிரசன்னா, சார்லி, காயத்ரி உள்ளிட்டோர் நடித்துள்ளனர்.
இப்படம் வருகின்ற 30ம் தேதி ஆஹா ஓடிடி தளத்தில் வெளியாக உள்ளது. இந்நிலையில் இப்படத்தின் சிறப்பு காட்சியை பார்த்த பத்திரிகையாளர்கள் பாராட்டி உள்ளனர். திரையுலகை சேர்ந்தவர்களும் படத்தை பார்த்துவிட்டு பாராட்டி வருகின்றனர்.
இன்றைய அவசர கால உலகில் உறவுகள், மனிதத் தன்மை எப்படி சுருங்கிவிட்டது என்பதை மிக அழகாக காமெடி கலந்த காட்சிகளுடன் இயக்குநர் சொல்லியுள்ளார் என்று படம் பார்த்தவர்கள் தெரிவித்துள்ளனர். மேலும் விபத்தில் உயிரிழந்தவர்களுக்கு அரசு வழங்கும் நிவாரணத் தொகை எப்படி ஒருவரது வாழ்க்கையில் சதி செய்கிறது என்பதையும் படம் பேசியுள்ளது.
இதையும் படிங்க:சூப்பர் ஸ்டார் புயல்.. அனிருத்தின் அமைதி நடவடிக்கை!
